O profesor de Zapatero

Non é que sexa un asiduo lector de Libertad Digital, pero de vez en cando gústame ollar o que aparece neste anaco de internet, porque a “información” sempre resulta esaxerada e totalmente subxectiva e parcial. Algúns pensaredes que son un pouco masoca, pero creo que é bo ler e escoitar o que pensan e din os que están no extremo radicalmente oposto.

Nesta ocasión dándolle un repaso rápido a esta web “progresista e defensora da liberdade das persoas”, leo un titular na páxina de portada que di: “El profesor que concedió a Zapatero un “cum laude” le “suspende” veinte años después”. Unha vez que profundizas na nova, que xurde a raíz dunha entrevista concedida por Francisco Sosa Wagner ao xornal El Mundo, resulta que este home formou parte do tribunal que lle concedeu o “cum laudem” a ZP, e que nun libro recentemente escrito por el amosa unha visión distinta á do Presidente na política autonómica.

Esta é a des-información que fan os medios de comunicación extremistas e radicais, onde calquera asunto vale para desprestixiar e enganar. Gustaríame saber que é o que pensan os profesores de Jiménez Losantos, César Vidal, Nacho Villa, Pedro J., etc. E se hoxe en día lle darían un Progresa Adecuadamente ou Necesita Mellorar.

Unha canción: “Piso de 30 metros”

 

Escoiteina por primeira vez fai un par de semanas no programa Hoy por Hoy, da Cadena SER, e a verdade é que a letra é pegadiza e quédaste con ela desde o principio. Hoxe dando un paseo pola rede atopei colgado o vídeo en Periodismo Incendiario, e aproveito para recomendárvolo. 

Toni A. Martínez, un rapaz de 20 anos de Valencia, é o seu creador, e como comprobaredes ao escoitar a canción, é unha protesta en contra dos pisos de 30 metros e do elevado prezo da vivenda.