Un consello de Wicho

Na revista de R deste mes fanlle unha entrevista a Javier Pedreira, máis coñecido na rede como Wicho. Este coruñés é o responsable de informática dos Museos Científicos de A Coruña, pero é máis coñecido por ser un dos creadores de Microsiervos –xunto con Alvy e Nacho-, o blog español máis visitado e o único que aparece en Technorati entre os 100 máis visitados e influintes (concretamente no posto 54).

De toda a entrevista de Wicho, a cal é moi interesante destaco o consello que nos dá aos blogueiros:

“O primeiro: non esperar o éxito da noite á mañá. Un debe de escribir do que lle gusta e, sobre todo, ser constante para enganchar á xente. Hai que ter en conta que un blogger empeza a selo cando comeza a ler outros blogs e intenta aportar e ser útil ao resto da comunidade. Segundo o que dás, tamén recibes. Así é a blogosfera.”

Pois haberá que seguir os consellos dun “crack” da blogosfera, aínda que o máis difícil para min é a constancia porque para iso hai que ter tempo.