Lobeira: “Saben aquel que diu …”

enero 4, 2007 at 4:47 pm 8 comentarios

Debo confesar que sinto admiración por Bieito Lobeira. É un deses deputados que loita por non pasar desapercibido durante a súa estadía no Parlamento de Galicia. O certo é que xa leva tempo traballando no pazo do Hórreo, pero sen dúbida esta é a lexislatura da súa consagración, do salto á fama e ao celuloide mediático.

Lembro así por encima propostas tan interesantes e de tanta importancia para os galegos e galegas coma que na morte se recoñezan os nosos dereitos lingüísticos, xa que segundo el existen moitos “patriotas galegos que están soterrados en español cotra a súa vontade”. Algúns pensarán que esto é unha tolería, pero realmente a quen non se lle pasou pola cabeza algunha vez que deberiamos de cambiar as lápidas dos cemiterios porque están en castelán. Este, sen dúbida, é un asunto que lle quita o sono a milleiros e milleiros de galegos e galegas e que ata o de agora non se atreveran a manifestalo en público. É máis creo que as marmorerías apoian esta proposta e incluso están a pensar en facerlle unha homenaxe a Bieito.

Meses máis tarde Bieito volveu a ser protagonista, novamente, en distintos medios de comunicación ao ser elixido coma un dos cinco homes galegos máis guapos. Eu téñovos que confesar que sento envexa, porque a min tamén me gustaría estar nese top cinco da fermosura galega.

E agora máis recentemente sorpréndenos cunha nova iniciativa na que pide que se recuperen os nomes e apelidos galegos orixinarios, e propón que sexan os políticos de Galicia os primeiros en dar exemplo, así coma outra serie de persoeiros destacados da cultura, do deporte, etc. Esta proposta “made in Lobeira” , presentada por certo o 28 de decembro –ao mellor é unha inocentada-, amosa claramente a preocupación deste significado político do BNG polos verdadeiros problemas de Galicia e polas cousas serias que propón ao Parlamento para o seu debate.

A min, sinceramente, esto sóame máis a unha daquelas actuacións memorables do humorista Eugenio enfundado no seu traxe negro e mentres fumaba un pito e lle daba un sorbo a un cubata dicía: “Saben aquel que diu …”. Por certo, xúrdeme unha dúbida: ¿como se galeguiza o apelido de Aymerich e o de Jorquera?. E un amigo apúntame que se lle esqueceu incluír na relación de nomes o de Canle por Canal.

Anuncios

Entry filed under: BNG, Galicia, Persoal, Política, Xeral.

Non sei que pensar Un día enteiro de Reis

8 comentarios Add your own

  • 1. chuza.org  |  enero 10, 2007 en 4:55 pm

    Lobeira: “Saben aquel que diu …”

    Leo en Vieiros (www.vieiros.com) un artigo que fala sobre Bieito e as súas propostas no Parlamento. É un pouco crítico.

  • 2. Remixio  |  enero 10, 2007 en 8:22 pm

    Estou de acordo con que Bieito Lobeira ten un afán desmedido de protagonismo. Pero iso non debería ser impedimento para considerar que as súas propostas inciden en temas que algúns, dende o campo socialista, consideramos relevantes. Aínda que as propostas de Lobeira están tan mal formuladas que quedan reducidas a anécdotas algo choqueiras, o certo é que a equiparación dos dereitos dos galegofalantes cos dos castelánfalantes e a normalización de terreos ata agora artificiosamente vedados para o idioma gfalego son cuestións que tamén aos socialistas deberían importarnos. É máis: deberíamos protagonizar máis iniciativas, políticas e parlamentarias, nese campo. Unha aperta e noraboa polo blog.

  • 3. anonimo  |  enero 11, 2007 en 12:09 am

    Estou totalmente de acordo co redactor do blog que aos do Partido Socialista non lles quita o sono en absoluto calquera proposta que teña que ver con recuperar e gañar novos campos para a normalizacuión do noso idioma.

  • 4. raposo  |  enero 11, 2007 en 12:44 pm

    Iso de descalificar as intervencións porque tratan temas que a maioría da poboación lla trae floxa, é pura DEMAGOXIA. Por esa regla de tres, non falariamos de sociedade do coñecementeo, nen de i+d+i, tampouco é que a xente pedira a gritos a reforma da Lei do Dereito Civil Galego, nen unha reforma fiscal que reduce os impostos directos (que beneficia aos que máis teñen). Non si?

  • 5. Alfonso Rodriguez  |  enero 11, 2007 en 5:46 pm

    Eu non son para nada un fan do BL,pero este artigo paréceme realmente perralleiro,por non faltar non falta nin o toque etnico xenófobo ao falar do Aymerich e do Jorquera.Púxose vostede ao nivel dos tertulianos da COPE.

    E en canto ao dito por Lobeira,cando menos é discutible. Ou pensa vostede que a pedra xa ven escrita en castelán pola natureza?

  • 6. lagaitaenlacabeza  |  enero 11, 2007 en 6:38 pm

    Hombre, hablar de toque étnico y xenófobo…. es no entender absolutamente nada de lo que dice este post. Precisamente el toque étnico y xenofobo lo tienen quienes desde posturas nacionalistas necesitan del agravio comparativo de lo externo (en este caso España, que no Portugal, curiosa paradoja). Recordemos propuestas tan interesantes como el Rh vasco y demás. La postura del firmante de este post lo situa en lo que Orwell llamaba patriota, y lo diferenciaba del nacionalista. El patriota es quien esta orgulloso de su pertenencia a un colectivo que determinadas afinidades culturales, sociales, económicas etc El nacionalista es quien necesita del enemigo exterior para reafirma su propia identidad, como por ejemplo el rechazar todo lo que huela a español, empezando por los nombres. Y no hace falta ser muy perspicaz para ver que postura se asimila más a la xenofobia aquí

  • 7. Sheamais  |  enero 11, 2007 en 9:58 pm

    Non é por ir contra os españois, que personalemente impórtanme tanto como os franceses ou os marroquíes, é ir a prol da propia cultura. Hai xente que o esquence, ou que prefire que non se lembre que durante moito tempo e en especial durante a Dictadura non se recoñecía a nosa língua, nin o dereito a fala-la nin a emprega-la nos nomes (os propios, os apelidos, os topónimos,…) trocándoos á hora de face-los rexistros. Xa vai sendo hora de desfacer tantas trapalladas…

    E no caso de Jorquera, ¿para qué cambia-lo? non é a deturpación dun apelido galego, é así.

  • 8. lagaitaenlacabeza  |  enero 11, 2007 en 11:37 pm

    de verdad os creeis que ahora estamos en la misma situación de la dictadura? Por qué encuentro tantas similitudes en los comportamisentos del franquismo con el gallego, y los comportamientos de los nacionalistas con el castellano? Ahora existe persecución con el gallego? Porque no avanzais de una santa vez, y mirais hacia adelante, y os dejais de gaitas y de hostias, que no se gobierna desfacendo entuertos de una dictadura fascista que ocurrió hace más de 3 decadas. De verdad, no he escuchado ni una sóla propuesta seria de las Consellerias bloqueiras, salvo aquella genialidad de fernando (blufff) blanco de querer competir con Repsol.

Responder

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Cerrar sesión / Cambiar )

Imagen de Twitter

Estás comentando usando tu cuenta de Twitter. Cerrar sesión / Cambiar )

Foto de Facebook

Estás comentando usando tu cuenta de Facebook. Cerrar sesión / Cambiar )

Google+ photo

Estás comentando usando tu cuenta de Google+. Cerrar sesión / Cambiar )

Conectando a %s

Trackback this post  |  Subscribe to the comments via RSS Feed


O máis ollado

Calendario

enero 2007
L M X J V S D
« Dic   Feb »
1234567
891011121314
15161718192021
22232425262728
293031  

O meu Twitter

Estadísticas

Geo Visitors Map

De onde veñen?

Creative Commons License
Esta obra está bajo una licencia de Creative Commons.

Fotos

Debuxo do Carrabouxo

Nevada (2)

Nevada (2)

Nevada (2)

Nevada (2)

Más fotos

A %d blogueros les gusta esto: