Archive for abril, 2007

DdC. Apoiando a Iván en Fene

Iván Puentes

O venres estiven en Fene na presentación da candidatura do PSdeG-PSOE. Como xa saberedes a maioría esta candidatura encabézaa o meu compañeiro e amigo Iván, polo que este acto non foi coma calquera outro. Este mitin foi máis emotivo e importante que calquera outro aos que acostumo a ir. Varios compañeiros de Iván desprazámonos desde Santiago para apoialo (Carnota, Diego e Víctor), estaba tamén Javi García, Tamara Canosa, Nacho de Pontedeume, Bernardo, Xaime, Silvia, …, en definitiva, moitos amigos e amigas de Iván; pero tamén estaban algúns e algunhas que agora finxen unha grande amizade, pero que no seu momento se dedicaron a poñer tódalas pedras posibles no camiño de Iván para que non encabezase a candidatura socialista de Fene.

Neste acto interviñeron Ricardo Varela, secretario de organización do PSdeG-PSOE e antigo xefe de Iván, o cal amosou a súa satisfacción polo ambiente que se respiraba no acto, e afirmou que a súa experiencia e participación en distintos actos electorais facíalle amosarse convencido de que en Fene se ía a producir o cambio político, e que Iván ía a ser o próximo alcalde.

Iván na súa intervención falou de Fene, dos seus proxectos para cambialo, e nela podíase apreciar a ilusión que posúe, ademais dun enorme cariño polo seu pobo e un tremendo respecto polos seus veciños e veciñas. Tamén me vexo na obriga de dicir que esta intervención foi demasiado larga, aínda que Carnota, Diego e eu no coche camiño do acto xa fomos facendo aposta sobre a duración do discurso e todos tiñamos seguro que ía a pasar da media hora, e así foi. ¡¡Durou máis de corenta e cinco minutos!!. 

Pero non quero rematar este post sen destacar dúas cousas da presentación: por un lado a boísima intervención de Loli Rodríguez da que destaco unha frase sobre Iván, “os feneses e as fenesas tendes moita sorte, porque Iván quere cambiar o mundo, e para cambialo vai a empezar por Fene”. E polo outro é o magnífico lacón cocido que se serviu nos pinchos. 

Iván quero rematar este post dicíndoche que cando sexas alcalde de Fene nunca esquezas nin quen es, nin de onde vés, e por favor, non cambies.

abril 28, 2007 at 9:56 pm 3 comentarios

Gayoso anuncia a morte de El Fary no Luar

luar_fary.jpg

O pasado venres varios medios de comunicación se facían eco da enfermidade pola que atravesa El Fary; segundo parece sofre un cáncer de pulmón.

Pero o máis sorprendente disto é que o popular presentador do Luar, Xosé Ramón Gayoso, lanzouse o venres, durante a emisión do programa, a anunciar que morrera El Fary .

Tras un sketch de humor dun dúo denominado “Carmen e Gelines” apareceu Gayoso tremendamente triste e compunxido anunciado o falecemento do cantante madrileño. Pouco máis tarde durante a presentación dos “Chunguitos” comentaron os tres a nova tan triste e como se enteiraran.

Pero o realmente patético e lamentable, e creo que unha das imaxes máis tristes e vergoñentas que pode dar unha persoa é cando ao remate do programa e xa cos títulos de crédito sae correndo Gayoso pedindo que paren todo, e di: 

“A mitad de programa recibimos a noticia tremenda da morte de El Fary. Nos acaban de anunciar que no se ha producido. Mil disculpas desde aquí. …”

En definitiva, ¡¡Patético!!. E imaxínome que alguén asumirá a responsabilidade por este asunto. E espero que ese sexa o “profesional” de Xosé Ramón Gayoso. Director, presentador e propietario da productora do programa Luar; que deixou blindado o anterior goberno do PP.

Déixovos o vídeo do programa, pero está enteiro; os minutos claves son o 02:42:48 (anuncio do falecemento), o 2:54:40 (momento cos Chunguitos) e o 3:24:27 (remate do programa).

Tamén podedes acceder a el na web da TVG.

A verdade é que a nova ten a súa coña, e máis pasándolle isto ao Gayoso.

Actualización: Grazas a Apiferio que o colgou no Youtube e a Ivi que me avisou nun comentario deixovos o vídeo.

abril 16, 2007 at 12:29 am 15 comentarios

DdC. Un domingo en Vigo

Son as 12 e media da mañá dun domingo de abril, no que por cuestións da campaña electoral, nos atopamos en Vigo. Víctor, Carnota, xunto cos “Albertos” –Pío, Cholo, Christian e Alberto– e eu formamos o equipo desprazado ao sur de Galicia. Estamos no barrio de Teis, no pavillón polideportivo da ETEA. Un pavillón grande, cunha cancha polideportiva e unha piscina olímpica, e ao carón deste polideportivo hai un campo de fútbol. Pois todos estes terreos están en desuso; fai varios anos que non se empregan, desde que os militares marcharon destas instalacións, e resulta un pouco triste ver unhas instalacións como estas están abandonadas.

Estou cos amigos Pío e Alberto ao meu carón, e ambos estanme a dicir o que teño que contar. Alberto insiste en que vos diga que están sen durmir”, e Pío apunta: “e dille que te esqueciches de encargar o xerador da corrente”. Pois si, é certo, o traballo que fan estes homes é incrible e non hai cartos que o pague. Onte estiveron repartidos por Ferrol, Fene e Arteixo, e ao rematar viñeron para este pavillón a montar este acto. Escenario, frontis, cubos, son, iluminación, pantalla LED, plasmas, realización, …, cada vez montamos máis cousas. Isto xa é un espectáculo en toda regra. Lémbrome o primeiro ano que empecei a traballar en Rúa do Pino –a sede do PSdeG-PSOE– que ía acompañando a Touriño e montábamos detrás un cartón-pluma co logo do Partido. E agora, xa vedes !!

Nestes intres intervén Abel Caballero, e di que escollemos este sitio polo que simboliza e porque a súa intención, cando sexa alcalde de Vigo, é facer a Cidade do Mar. Ademais di que estas instalacións non poden permanecer pechadas para os cidadáns e que teñen que abrirse para que as poidan utilizar os veciños e veciñas de Teis. ¡¡Coincido plenamente!!.

Durante un instante do acto saio a fumar un “ducados” e me atopo con varios compañeiros e coñecidos, entre eles Tito Giraldez, o xefe de redacción de El Foro Metropolitano, onde falamos sobre a influencia dos blogs e a súa repercusión.

Entre charla e pitillo soa a música, ¡¡xa rematou o mitin!!. ¡¡Un día menos!!. A rematar a faena e para a casiña.

abril 15, 2007 at 2:05 pm Deja un comentario

Mentireiro compulsivo

Ángel Acebes non se parece en nada a Jim Carrey, iso nótase a simple vista, aínda que as declaracións e a forma de actuar do secretario xeral do PP lembran bastante ao argumento da película “Mentiroso compulsivo” protagonizada polo actor norteamericano, na que era “un abogado ambicioso y sin escrúpulos, que utiliza la mentira como un medio habitual de trabajo”. Nesta última semana quedou claro que o ex ministro de interior na época de Aznar estivo enganándonos de maneira clara e premeditada durante o fatídico atentado do 11-M: 

Acebes. 11-M ás 20:20 h. “[El explosivo] es dinamita, […] la habitual de ETA […]. Los cuerpos de seguridad trabajan con la línea prioritaria de ETA, pero hay que investigar todas las posibilidades”.

Policía. Xuizo do 11-M. “A las 18.00 horas se había descartado que el explosivo fuera de la banda, y a las 15.30 horas se habían descubierto, en una furgoneta hallada por la mañana, pistas que llevaban a Al Qaeda”.

Acebes. 12-M ás 18:10 h. “ETA sigue siendo la principal línea de investigación. Así me lo hanmanifestado los responsables de la investigación”.

Policía. Xuizo do 11-M. “Aunque no se había cerrado la vía de investigación sobre ETA, el análisis de una bomba que no explotó en Atocha centraba la investigación en los islamistas”.

Acebes. 13-M ás 14:30 h. “La prioridad en la investigación es la banda que lleva 30 años matando […]. Ningún responsable policial [ha comunicado] que hubiera una preferencia por Al Qaeda”.

Policía. Xuizo do 11-M.  “La autoría de ETA perdía fuerza y con el paso de las horas ibaquedando prácticamente descartada “.

Acebes. 13-M ás 20:00 h. “No debemos descartar nada. No se renuncia a otras vías […] ni conexiones ni colaboraciones” .

Policía. Xuizo do 11-M.  “A las 15.30 horas, la detención de Zugam, uno de los presuntos terroristas, confirmaba la pista islamista”.

Acebes. 13 abril do 2007.  Lo declarado [por los jefes policiales en el juicio] coincide absolutamente [con lo que dije] en cada una de las comparecencias [tras el 11-M] “

Se alguén no Partido Popular tivese a máis mínima vergoña e posuíse un pouco de ética, Ángel Acebes debería de dimitir –xunto con outros cargos populares-, xa que non poden erixirse nos salvadores dos españois, criticar e acusar constantemente aos socialistas e a Zapatero por todo, e despois eles ter a desfachatez e o descaro de mentir compulsivamente. O PP non se merece individuos como os que os están a representar agora.

Portada do xornal El Periódico de Catalunya

abril 14, 2007 at 2:38 pm Deja un comentario

¿Conoces a Ignacio Segado?

web_cartaxena 

Levo varios días sen actualizar o blog, pero é que o traballo estame a absorber moitísimo tempo. De tódolos xeitos aproveito este anaco que teño hoxe para facervos unha recomendación dixital. A través do blog do meu compañeiro e amigo Alfonso Gil descubrín a web de Ignacio Segado, candidato socialista á alcaldía de Cartaxena, a cal é tremendamente orixinal e novidosa, xa que por poñer un exemplo direivos que non ten nin unha soa foto do candidato.

Aproveitando, e xa que estamos en campaña electoral e proliferan as webs e blogs de candidatos e candidatas, podedes recomendar algunha que resulte interesante.

E moita sorte desde Galicia para o futuro alcalde de Cartaxena.

abril 13, 2007 at 8:08 pm 3 comentarios

Vacacións en “Asturies”

Estamos de vacacións. Eva, Paula, Nerea e un servidor estamos en Asturies pasando esta Semana Santa. Saímos onte pola tarde de Santiago, porque eu vin a traballar pola mañá e Eva e as nenas viñeron despois no bus desde Boiro. A viaxe ata Gijón foi larga e pesada coma sempre –estou desexando que rematen a Autovía do Cantábrico-, e por riba antes de chegar a Luarca desviáronos pola antiga estrada. Unha estrada sinuosa e chea de curvas cunha chea de camións que nos precedían.

Sobre as dez da noite –despois de catro horas de viaxe- chegamos á Calzada, onde viven meus sogros e miñas irmáns e cuñados. Temos previsto quedar aquí ata o sábado pola tarde, para poder estar o domingo en Boiro.

A verdade é que estas vacacións van a virnos ben, sobre todo a min, xa que levamos unhas semanas nas que non paramos. Pontevedra, Silleda, Vigo, Carballo, Cangas, Baiona, Lugo, Betanzos, Santiago, Boiro, …, case parece que estamos a facer a volta a Galicia; e o que nos queda nestes vindeiros meses é aínda moito peor.

Convención de candidatos e candidatas

O domingo pasado celebramos no Auditorio de Galicia a Convención de Candidatos/as e Candidaturas, e teño que dicirvos que é dos actos que levamos feitos nos últimos tempos do que máis satisfeito me sinto. Foi un acto distinto a outros que tiñamos celebrado e no que a intervencións e a posta en escena foi novedosa. Teño que resaltar a intervención de Loli Rodríguez, que se encargou de presentar a convención, así como as participacións de Francisco Fraga (alcalde de Piñor) e Paula Fernández (candidata á alcaldía de Silleda), xa que ambos amosábanse nerviosos ao ser a primeira vez que falaban para tanta xente, pero quizais esa inexperiencia fixo que fosen tremendamente naturais.

Máis de mil persoas se deron cita o domingo pola mañá en Santiago, a pesares de que era Domingo de Ramos e as vacacións estaban á volta da esquina.

Agora toca descansar uns días para cargar a batería “a tope”; un saúdo a todos e a todas desde o Principado.

abril 3, 2007 at 4:34 pm 2 comentarios


Calendario

abril 2007
L M X J V S D
« Mar   May »
 1
2345678
9101112131415
16171819202122
23242526272829
30  

O meu Twitter

Estadísticas

Geo Visitors Map

De onde veñen?

Creative Commons License
Esta obra está bajo una licencia de Creative Commons.

Fotos

Debuxo do Carrabouxo

Nevada (2)

Nevada (2)

Nevada (2)

Nevada (2)

Más fotos