Archive for mayo 14, 2007

A campaña de Boiro

Fai moito tempo que non escribo nada sobre a campaña en Boiro, o meu pobo, pero a razón é que ao estar centrado na campaña do PSdeG, o tempo non me dá para máis. Aínda que, como non podía ser de outra forma, estou atento a todo o que pasa, ou a case todo.  Desde a última vez que escribín algo sobre a política boirense, creo recordar que foi a substitución de Blanco Vila a fronte da candidatura do PP, os acontecementos foron moitos. Desde o abandono de Antón Vidal das filas do BNG e o seu paso ao grupo de non adscritos, todo por non figurar na candidatura nacionalista; o que, é un tremendo erro para a persoa que toma esa decisión, xa que o único que amosa e un descontento e un malestar que traslada ao exterior co único obxectivo de facerlle dano ao partido que decide prescindir del. Pero Antón Vidal sempre foi así, e a súa forma de ser xa ocasionou varios problemas durante esta lexislatura, chegando incluso a votar de xeito contrario ao grupo do BNG.

Manuel Velo pola súa banda, continua coa súa política esperpéntica e de bodevil. Atacar a todo o mundo con argumentos pouco claros e inventados –na maioría dos casos-; criticas de todo o realizado polo actual goberno esquecendo que el foi membro do equipo de goberno e dicindo sempre que se o deixasen a el todo iría moito mellor; sementar a dúbida dunha presunta corrupción de todo o mundo, pero sempre sen aportar probas sobre as súas graves acusacións; etc. É dicir, Velo en estado puro. Aínda que o máis destacable quizais sexa a fichaxe de Luis González Maceiras e Begoña Díaz, ambos os dous membros da directiva da Asociación Boirense de Empresarios, sendo o primeiro o seu presidente. Luis, baixo o meu punto de vista, aproveitouse descaradamente do seu cargo para entrar en política, e durante todo este tempo o único que fixo foi atacar ao goberno defendendo as teses de Manuel Velo, desde a plataforma que significa a ABE. Pola súa banda o PP de Boiro, co seu novo candidato, Juan José Dieste, conseguiu recuperar aos tradicionais votantes populares que amosaban o seu descontento co nomeamento de Blanco Vila o breve. Aínda que eu aposto porque o PP vai a ver reducido o seu número de concelleiros/as alomenos nun par. E por encima agora xúrdelles un novo problema, Jesús Saavedra, que rompeu a disciplina de voto e apoiou o convenio con Eroski, quedando así de manifesto a debilidade e a falta de control dentro do Partido Popular.

E pola parte socialista, creo que imos a subir, e pode ser factible acadar a alcaldía. O que si está claro é que Boiro vai a ter un goberno progresista novamente. E espero que esta vez sen terceiros. Quero facer unha crítica –sempre constructiva- que é recordarlle aos meus compañeiros e compañeiras de Boiro que actualicen a web do partido e da que xa vos falei neste blog, porque e esta é unha crítica en xeral para todos os partidos e políticos, que non empreguen a rede unicamente cando estamos en campaña electoral, e sirvan para facer unha rolda de prensa e saír nos medios un día. A rede temos que vela como un servizo, como unha vía de comunicación cos cidadáns, e debemos de actualizala e darlle contido constantemente, senón a perde todo o seu valor e a súa forza.

Sobre Boiro déixovos un vídeo que me enviou o meu amigo Dani Gestoso por mail, e que é o debate celebrado en TeleBarbanza a pasada semana.

Anuncios

mayo 14, 2007 at 1:48 am Deja un comentario

DdC.Orozco “is different”

De la Vega, Touriño e Orozco 

Este domingo tocou madrugar, e levantarse da cama foi unha tarefa complicada. Puxen a alarma do móbil para as oito e cuarto, pero levanteime uns vinte minutos despois. Quedara con Carnota e Víctor no Puerta del Camino ás nove e media, e coma sempre cheguei tarde.

No camiño desde Boiro ata Santiago fun pensando na cantidade de cartos que se gastan nunhas eleccións, e a verdade dubido que tanto derroche publicitario sexa proporcionalmente rentable ao éxito electoral. E pensaba iso mentres ía vendo pola estrada o estrago que fixo o vento nas bandeirolas, pancartas e carteis, xa que moitos deles estaban arrincados, caídos ou bastante deteriorados. Pero, o ego fai que a todos os candidatos e candidatas lles guste verse colgados de farolas ou en moitas ocasións que a súa cara apareza pegada nun contedor. É certo que hai que ter presencia, pero tamén “con sentidiño”.

Na entrada de Lugo –no polígono do Céao- reafirmeime máis aínda na miña crenza do derroche electoral, xa que algúns candidatos teñen tres e ata catro vallas xuntas, pegadas unhas ás outras. Unha cousa é a publicidade necesaria e outra a excesiva.

Á chegada ao Auditorio atopeime co compañeiro do comité provincial de Lugo, Suso Ceide, enfrascado en tarefas organizativas e discutindo cun dos responsables de seguridade de vicepresidencia, os cales teño que recoñecer que son bastante chulos e engreidos, pero Suso que non se corta un pelo dicíalle: “o local pedino eu, e aquí faise como eu diga …”. Suso é así, despois comentábame a min: “a estes de Moncloa hai que tratalos así, poñérselle chulo, senón intentan pisarche.”  Teño que recoñecer que Suso ten toda a razón, xa que en ocasións teslle que “ensinar os dentes” a algúns que veñen de Madrid, porque son tremendamente “campións” e prepotentes, e pensan que poden chegar asoballando. Pero, por sorte, son unha minoría.

O día en Lugo era chuvioso e con moito vento, pero non foi obstáculo para que a xente acudise ao mitin en masa. Antes de empezar estiven con Orozco –o alcalde-, unha persoa entrañable e que nótase o aprecio e cariño que lle teñen os lugueses e luguesas, e el tamén se fai querer,xa que ía saudando a cada un dos que entraba entregándolle un programa e un díptico publicitario dicíndolle, en ton de broma, que á saída íalles a preguntar a lección para saber si o leran e ao que non suspenderíao ata setembro.

O desenrolo do mitin foi o habitual, Orozco falou da cidade que se atopou e a que existe agora, e comentou as obras que ten previsto facer se repite como alcalde. Fixo un chamamento á participación e a que a xente non se confíe “porque non está nada ganado”, aínda que gritou un desde o público “está gañada e por goleada”.

Touriño cualificou a Orozco como “un alcalde do que se pode presumir en toda España e en toda Galicia”; manifestou tamén as posibilidades reais que existen de conseguir o goberno na Deputación de Lugo, e “non iamos a perder esa oportunidade de sacar ao PP da Administración provincial”. “Lugo fai tempo que espertou e se ergueu para deixar de ser a reserva natural da política de dereitas, das políticas clientalares que algúns creían que era”.

Despois tocoulle o turno á Mª Teresa Fernández de la Vega, a cal se amosou emocionada por atoparse en Lugo, e máis ao ver entre os asistentes a uns familiares de Lugo, entre o que se atopaba unha tía súa de noventa e catro anos, que foi xunto coa súa irmá a primeira muller licenciada en Medicina pola Universidade de Santiago de Compostela.

De volta á casa Víctor e eu cambiamos de compañeiros de viaxe, xa que acompañáronos Ismael Rego e Fernando Varela –xornalista de El País e que nos acompaña nesta campaña-. Javier Carnota quedouse en Lugo facendo unha nota de prensa e veu con Javier Fariña –o chofer- no coche dos xornalistas que nos cubren na campaña electoral. Pero outro día comentareivos como está estructurada a “caravana” electoral destas municipais.

Cando cheguei á casa eran as catro menos cuarto da tarde, e ademais tiña a meus sogros de Asturias recen chegados, xa que veñen a estar unha “semaniña” con nós. ¡Todo un pracer!.

Mañá seguimos, xa que estes dous próximos días son de longo percorrido. Imos ao Barco de Valdeorras o luns, e a Burela o martes. ¡De punta a punta de Galicia!.

¡Ah!, por certo, o Barça empatou na casa co Betis no minuto 44. ¡Que desastre!. A este ritmo a liga podemos dala por perdida, e o peor é que a vai a ganar o Madrid. E Alonso quedou terceiro en Montmeló. Deportivamente non foi un dos mellores días. Outra vez será.

mayo 14, 2007 at 12:32 am 1 comentario


Calendario

mayo 2007
L M X J V S D
« Abr   Jun »
 123456
78910111213
14151617181920
21222324252627
28293031  

O meu Twitter

Estadísticas

Geo Visitors Map

De onde veñen?

Creative Commons License
Esta obra está bajo una licencia de Creative Commons.