Ddc. Dúas horas ata O Barco

mayo 15, 2007 at 12:21 pm 2 comentarios

O primeiro luns de campaña sempre é un día importante, porque serve de termómetro para medir a temperatura electoral, para saber como se atopa a xente. Nós este primeiro luns escollemos O Barco de Valdeorras, un concello da provincia de Ourense que está no límite con Castela-León, ao lado de Ponferrada.

O traxecto ata O Barco é longo e cansado, dúas horas de viaxe. E deses traxectos no que en pouco tempo percorres as catro provincias galegas, pero cunha singularidade, a beleza das súas paisaxes. Destaco algo que me chamou a atención, que chegamos a pasar ata cinco veces por encima do Río Lor, o que demostra o serpenteante que é a estrada. Nesta ocasión a caravana electoral socialista formámola tres coches. O de Víctor, no que ía eu; o de Javier Carnota e o de Diego, estes dous con xornalistas. Cando chegamos ao Barco eran as seis e media da tarde, e os compañeiros de montaxe xa tiñan todo preparado, só quedaba darlle os últimos retoques, e listos para empezar. Facía bastantes días que non tiñamos todo listo con tanta antelación, polo que puidemos disfrutar dunha cervexa.

O auditorio da Casa de Cultura de O Barco encheuse con relativa facilidade, ás oito e cuarto xa estaba abarrotado. Habería unhas cincocentas persoas. O alcalde, Alfredo García, estaba tranquilo, pero con gañas de dar caña, notábaselle o cabreo pola impugnación da lista electoral polo PP, por mor da lei de igualdade. Tiña moitas ganas de dar caña. Calificou de “atentado contra a democracia” o recurso de PP, e pediulle aos veciños e veciñas a que “lles pasen factura” o 27 de maio nas urnas e dicirlles que “por aí non pasan”.

Touriño, pola súa banda dixo que o PP está confundindo a campaña electoral “cunha tómbola ou unha bono-loto” ou ben debe de pensar os galegos “son parvos”, polas promesas que está realizando nesta carreira cara as urnas en Galicia. Touriño advertiu de que “non cola, non é crible” que o PPdeG faga en cen días o que non fixo en 16 anos. A única herdanza que deixou foron “as mentiras das armas de destrucción masiva e a guerra de Iraq”, e lembrou que Rajoy é “o que nos deixou a mentira do Prestige”. Como podedes apreciar, a campaña electoral empeza a quentarse, e eso, a min, particularmente, gústame.

Ás dez da noite rematamos, e como a volta á casa era longa decidimos tomar uns bocatas e unha cervexa. Bocadillo de bacon con queixo, e outro de polo con pementos; charla e risas cos xornalistas que nos seguen na campaña; e ás doce da noite regreso a Santiago. Cando cheguei ao hotel pasaba das dúas da mañá, intentei escribir algo no ordenador pero non funcionaba a wifi. Outra vez será.

Anuncios

Entry filed under: DdC, Persoal, Política, PP, PSdeG-PSOE.

A campaña de Boiro DdC. Un viaxe con GPS

2 comentarios Add your own

  • 1. Remixio  |  mayo 15, 2007 en 7:56 pm

    Gústame moito o seu blog, Blas. Chago a el a través dunha información que aparece en “Galicia confidencial”. Esperaba atopar unha cousa propagandística e aburrida, pero vexo que é un traballo moi ben feito, de carácter máis ben xornalístico. Carei máis por aquí a partir de agora.

  • 2. blas  |  mayo 17, 2007 en 12:41 am

    Grazas Remixio polo teu comentario. Podes volver por aquí cando o desexes, e espero que che siga gustando.

Responder

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Cerrar sesión / Cambiar )

Imagen de Twitter

Estás comentando usando tu cuenta de Twitter. Cerrar sesión / Cambiar )

Foto de Facebook

Estás comentando usando tu cuenta de Facebook. Cerrar sesión / Cambiar )

Google+ photo

Estás comentando usando tu cuenta de Google+. Cerrar sesión / Cambiar )

Conectando a %s

Trackback this post  |  Subscribe to the comments via RSS Feed


Calendario

mayo 2007
L M X J V S D
« Abr   Jun »
 123456
78910111213
14151617181920
21222324252627
28293031  

O meu Twitter

Estadísticas

Geo Visitors Map

De onde veñen?

Creative Commons License
Esta obra está bajo una licencia de Creative Commons.

A %d blogueros les gusta esto: