DdC. Un viaxe con GPS

mayo 16, 2007 at 12:17 pm Deja un comentario

www.lavozdegalicia.es

O martes tocounos ir a visitar a Costa de Lugo, concretamente a Burela. É a primeira vez, desde que traballo na Rúa do Pino –a Sede Nacional do PSdeG-PSOE– que vou a un mitin a Burela con Touriño, ata o de agora estivera en Viveiro, Foz, Cervo e Ribadeo, pero nunca neste concello mariñeiro de Lugo.

Novamente volvemos a saír cedo, xa que chegar á Mariña de Lugo non é unha tarefa doada, semellante á do día anterior (O Barco de Valdeorras). Víctor, Carnota e eu saímos sobre as cinco e media, con anterioridade xa saíra a caravana dos xornalistas, nesta ocasión con Javier Fariña aos mando da recén alugada monovolumen.

No coche, como xa é habitual, fomos falando de todo un pouco, a verdade é que non deixamos a ninguén impune da nosa lingua viperina; aínda que nesta ocasión tiñamos un xoguete novo: un fantástico GPS que tras a súa programación e fixado de ruta ata Burela nos indica que tardaremos en chegar ¡¡tres horas e media!!. Iso no pode estar ben, di Víctor. Por sorte, non atinou moito no tempo, pero si no percorrido, xa que nos levou dereitiños ata Burela, e ata o propio Auditorio Municipal, de non ser que ao intentar acceder pola rúa que nos indicaba esta estaba cortada por un policía local; nós pensabamos que se debía a que era por motivos da chegada do Presidente, e ao ensinarlle a credencial e explicarlle que eramos os responsables do acto do Partido Socialista, o garda amablemente dinos:

“Pasade se queredes, por min non tendes ningún problema, pero a ver si vos deixa pasar a máquina que está asfaltando a rúa”.

¡¡Incrible!!. O alcalde de Burela –do PP- decidiu asfaltar a rúa de acceso ao Auditorio o mesmo día en que Touriño daba alí un mitin. Podedes imaxinarvos as coñas e o cachondeo no coche. Pero, tras perder a referencia da ruta de entrada o fantástico GPS dirixiunos novamente por outra ruta. Rúas estreitas, a vía de FEVE e de repente a marabillosa voz feminina do aparello dinos: “En la próxima posibilidad gire a la derecha”. ¡Próxima posibilidad!, non dixo nin rúa, nin cruce, …, nin nada de nada, só “posibilidad”. Pois así o fixemos, tras pasar por debaixo da vía collemos por unha rúa estreitiña que pouco despois nos levou ata a o Auditorio.

Ao chegar alí, sobre as oito menos cuarto, xa había xente da comarca e da localidade para botarnos unha man na organización do acto. Alberto Doce e os seus rapaces –Pío, Miguel, Christian e Diego– xa tiñan todo listo, ao igual que Manlli –o de realización- e os seus. Agora toca esperar a chegada de Emilio.

Ás nove chega o presi, e como sempre recibímolo na porta; Alfredo, o candidato de Burela, está un pouco nervioso. Comezamos o acto sen ningún problema e como estaba previsto. Discursos dos cales hoxe non vos vou a comentar nada porque saín para fora a fumar un pitillo e non escoitei nada do que dixeron. Ao rematar volvemos a tomar unha cervexa cos xornalistas e a volta, tras parar a picar algo, foi curta, alomenos para min, porque vin durmindo todo o camiño. Vou a confesarvos que empezo a notar o cansazo e aínda nos faltan dez días. ¡¡Unha eternidade!!.

Anuncios

Entry filed under: DdC, Galicia, Persoal, Política, PSdeG-PSOE.

Ddc. Dúas horas ata O Barco DdC. ¡¡Ista, ista; Coruña socialista!!

Responder

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Cerrar sesión / Cambiar )

Imagen de Twitter

Estás comentando usando tu cuenta de Twitter. Cerrar sesión / Cambiar )

Foto de Facebook

Estás comentando usando tu cuenta de Facebook. Cerrar sesión / Cambiar )

Google+ photo

Estás comentando usando tu cuenta de Google+. Cerrar sesión / Cambiar )

Conectando a %s

Trackback this post  |  Subscribe to the comments via RSS Feed


Calendario

mayo 2007
L M X J V S D
« Abr   Jun »
 123456
78910111213
14151617181920
21222324252627
28293031  

O meu Twitter

Estadísticas

Geo Visitors Map

De onde veñen?

Creative Commons License
Esta obra está bajo una licencia de Creative Commons.

Fotos

Debuxo do Carrabouxo

Nevada (2)

Nevada (2)

Nevada (2)

Nevada (2)

Más fotos

A %d blogueros les gusta esto: