Archive for noviembre 20, 2007

A “gilipollez” non ten cura

Cristina nunha manifa da AVT

A homosexualidade xa se pode curar, ou eso alomenos é o que fai a “popular” locutora da COPE, Cristina López Schlichting, no seu programa “La tarde con Cristina”.

Parece ser que esta boa muller se plantexou, xunto con outras compañeiras de viaxe, optar ao Nobel de Medicina e a través deste insigne programa radiofónico van a querer curar a todos estes enfermos e enfermas crónicos que non foron capaces aínda de ter clara a súa orientación sexual. Nin o SIDA nin o cancro, a estes iluminados retrógrados o único que lles preocupa é a homosexualidade, ¡¡vaia por Deus!!.

O que si está claro é que a homofobia e a “gilipollez” nin ten cura nin se pode gardar nun armario, e para mostra un botón. Pero cada un é libre de amar a quen lle pete, a ver si se entera a Schlichting.

Visto en Dos Manzanas.

noviembre 20, 2007 at 8:59 pm 2 comentarios

Monseñor o fariseo

Blázquez e Rouco

A Igrexa Católica española xa iniciou a campaña electoral, e o único ao que podo achacar as palabras de Ricardo Blázquez nas que presuntamente pedía perdón pola participación da igrexa na Guerra Civil.

“Deseamos pedir el perdón de Dios para todos los que se vieron implicados en acciones que el Evangelio reprueba, estuvieran en un lado u otro lado de los frentes trazados por la guerra”. Estas palabras de Blázquez -entre outras- representan para a maioría dos medios de comunicación unha gran nova porque a Igrexa pide perdón. E, como vos dicía, considero que Blázquez é un fariseo, un actor que está interpretando un papel nun momento determinado porque tanto a el como á Igrexa que representa lle interesa, pero a realidade é que ata o de agora nin Rouco, nin Cañizares, nin o Papa lle pediron perdón ata o de agora ás víctimas da “santa cruzada” franquista aos cales sempre mantiveron no seu esquecemento; nembargantes aos do outro lado, aos seus, si os lembran e premian coa beatificación –498 recentemente-. Como di o refrán: unha cousa é predicar –monseñor- e outra dar trigo, e Blázquez trigo ata o de agora non foi capaz de darlle ningún aos do outro bando, a aqueles que fusilaron nos cemiterios e mataron ás portas das igrexas.

A Conferencia Epìscopal, co seu presidente á cabeza, está xa inmersa nunha campaña electoral da que é parte importante e interesada desde fai xa moito tempo, e ao igual que o PP os bispos españois tamén fan a súa Conferencia Política, as cales coinciden case nos días; e mentres Rajoy fai anuncios de fume –coa baixada de impostos-, Blázquez, que non vai ser menos, xoga tamén o seu papel de telepredicador.

¡¡Deus nos colla confesados!!

noviembre 20, 2007 at 8:10 pm 1 comentario


Calendario

noviembre 2007
L M X J V S D
« Oct   Dic »
 1234
567891011
12131415161718
19202122232425
2627282930  

O meu Twitter

Estadísticas

Geo Visitors Map

De onde veñen?

Creative Commons License
Esta obra está bajo una licencia de Creative Commons.