Sentencias, traxes, “amiguitos del alma”, e a tila de Rajoy

agosto 4, 2009 at 2:01 pm 1 comentario

Agora xa podo confesar con total tranquilidade, que eu tamén recibín regalos. Unha vez polo nadal regaláronme un estuche con tres botellas de albariño. Non estou orgulloso de ter aceptado semellante presente, aínda que iso si, o que mo regalou non forma parte de ningunha trama de corrupción, nin lle fixo regalos a ningún membro da miña familia, nin necesitaba que eu lle adxudicase ningún negocio millonario. Pero aínda así, direivos que o albariño era Terras Gauda.

Agora, desde logo, grazas ao Tribunal Superior de Xustiza do País Valenciano, ábrese a veda dos regalos aos políticos. Cun resultado axustado (2-1), pero agora calquer “amiguito del alma” pode regalarche traxes máis caros ca o de Supermán, ou xoias á muller ou as fillas, sen que sexa delito. Pero, se o “amiguito del alma” consigue contratos millonarios da institución que dirixes non pasa nada, iso para os xuíces é algo normal, algo que non ten nada que ver cos regalos que recibes.

O PP e Rajoy, están tremendamente contentos, e satisfeitos coa sentencia do TSXPV, presidido, por certo, por outro “amiguito del alma” de Camps. Cantos “amiguitos” ten o President, que home máis afortunado!!.

Rajoy ata se atreveu a receitarlle tila a algúns, que gracioso é este home, e que caradura. Rajoy, ese home de barbas, ao que non lle colle a lingua na boca, atrévese a darlle consellos aos demais, cando o Tesoureiro do Partido que preside, un Deputado, varios Parlamentarios autonómicos, varios ex alcaldes, e outras persoas vinculadas ao PP, e polo tanto a el mesmo, están imputados nesta trama de corrupción do caso Correa. E na que eu, coa súa parsimonia habitual, e falla de liderado e decisión, non foi capaz de tomar ningunha decisión drástica; non foi capaz de saír aos medios e censurar e castigar a todos estes personaxes involucrados nesta trama.

Pero, despois dunha sentencia polémica, na que “exculpan” a Camps, atrévese a sacar peito, no canto de pedirlle explicacións a Camps, porque na sentencia non negan que recibise regalos.

Así que, a partires de agora, todos e todas tranquilos: recibir regalos dos “amiguitos del alma” non é pecado.

AM

Anuncios

Entry filed under: Galicia, PP. Tags: , .

Grande Fito!! Un soberbio recital de … tacos

1 comentario Add your own

  • 1. Freiman  |  agosto 6, 2009 en 4:19 pm

    * Agora escomenzou a etapa dos agasallos. As “anchoas” son pouca cousa, o 50% do xuro da hipoteca na Diputación de Ourense, tamén, ágora a esperar que Feijóo reciba ó seu C6 de Citröen de agasallo, todo seña por Galicia, é logo o chalet nos Peares, aínda que espero que non llo regale Florentino Pérez. Xa me fastidiaría pedir outra dimisión, cómo no “caso dos maletíns”.
    Onte me agallallarón cunhas latas de mexillóns en Escurís na Pobra do Caramiñal. En Palma tamén hay “agasallos” camuflados coma no Monte Gáias, esa grande obra que ía ser “A Cidade da Cultura”. Mellor é reconvertila na “Cidade da Xunta” Non sería mala cousa que alí a Xunta mudara toda-las suas Consellerías.
    Un saúdo Blas.

Responder

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Cerrar sesión / Cambiar )

Imagen de Twitter

Estás comentando usando tu cuenta de Twitter. Cerrar sesión / Cambiar )

Foto de Facebook

Estás comentando usando tu cuenta de Facebook. Cerrar sesión / Cambiar )

Google+ photo

Estás comentando usando tu cuenta de Google+. Cerrar sesión / Cambiar )

Conectando a %s

Trackback this post  |  Subscribe to the comments via RSS Feed


Calendario

agosto 2009
L M X J V S D
« Jul   Sep »
 12
3456789
10111213141516
17181920212223
24252627282930
31  

O meu Twitter

Estadísticas

Geo Visitors Map

De onde veñen?

Creative Commons License
Esta obra está bajo una licencia de Creative Commons.

Fotos

Debuxo do Carrabouxo

Nevada (2)

Nevada (2)

Nevada (2)

Nevada (2)

Más fotos

A %d blogueros les gusta esto: