Posts filed under ‘Enlaces’

“Politicamente incorrecto”. Grazas José Luis

prieto_voz_entrevista

Lendo hoxe La Voz de Galicia atópome cunha entrevista a José Luis Prieto, un blogger nado en Madrid pero que recentemente adoptamos como galego, xa que se veu a vivir a Bertamiráns coa súa familia.

O blog de José Luis é o máis visitado de toda Galicia e o octavo de toda España –segundo o raking de Wikio– no apartado de política, por diante de algúns tan importantes coma o de Pepe Blanco, Juan Carlos Escudier, Luis Solana ou Iñaki Anasagasti –tan popular ultimamente coas súas opinións sobre a monarquía-. Aproveito para indicar tamén que a miña humilde bitácora ocupa o posto 65.

O motivo deste post é para, ademais de para felicitar a José Luis polo seu blog, para darlle as grazas polo que comenta nesta entrevista sobre o meu blog:

“La bitácora de Blas García, secretario general de Barbanza es buenísima, es muy crítico y políticamente incorrecto”.

Entenderedes que é unha honra que alguén comente algo semellante, porque como diría o monarca de todos os españois “me llena de orgullo y satisfacción”. De agora en diante procurarei sendo politicamente incorrecto, e intentarei non defraudar a ninguén.

Entrevista en pdf

enero 8, 2008 at 8:15 pm 2 comentarios

Pola diversidade familiar

Un grupo de persoas decidiron abrir o blog Internautas pola Diversidade Familiar, esta é a súa presentación:

Somos un grupo de hombres y mujeres gais que concebimos la red como una fuente de información y entretenimiento, pero también de activismo y participación social. Desde la diversidad ideológica, de creencias, racial y sexual nos une únicamente nuestro compromiso con la igualdad. Por ello, hemos decidido poner en marcha una iniciativa ciudadana que defienda, también en internet, el respeto y la tolerancia hacia los distintos modelos familiares.

Los tiempos han cambiado y el modelo tradicional de familia convive hoy con otros tipos, como las familias monoparentales u homoparentales. Entendemos que esta diversidad enriquece notablemente a nuestra sociedad y, desgraciadamente, vemos día tras día como algunos sectores conservadores y retrógrados.

Ademais contan cun manifesto no que podes asinar, ou se tes un blog ou unha web unirte a eles. Na actualidade contan co respaldo de 13 webs e 65 blogs, ademais de 117 persoas.

Eu sen dubidalo, únome tamén á diversidade familiar.

Banners da campaña:

enero 4, 2008 at 1:35 am 2 comentarios

Un aniversario especial

 
Lembro aquel blog que atopei por casualidade fai hoxe xustamente un ano, e no que unha muller de 95 anos nos contaba historias sobre a súa longa vida. Durante este ano tanto Mª Amelia como o seu blog viviron unha chea de acontecementos e novidades, desde varios premios e recoñecementos de prestixio ata innumerables aparicións en medios de comunicación de diferentes países.

Eu creo que nin Mª Amelia, nin Esteban –o seu neto e o que lle regalou o blog- se imaxinaron nunca semellante éxito, pero as case un millón de visitas e os seus millerios de netos –como ela os chama- fixeron que a avoa de Muxía fose capaz de vivir e desfrutar dunha segunda xuventude.

Eu non quero deixar de felicitar a Mª Amelia polo seu noventa e seis aniversario, e polo “aniño” que cumpriu o seu blog, e desexarlle que continúe a darnos moitos máis instantes memorables coa lectura das súas historias.

¡¡Felicidades!!

diciembre 26, 2007 at 10:08 pm Deja un comentario

Un novo blog en Boiro

carlos_blog.jpg

O domingo atopeime coa grata sorpresa (e alegría) de que en Boiro nacera un novo blog. Carlos Insúa, profesor na USC e articulista habitual de La Voz de Galicia e outros xornais e revistas, decidiu crear unha bitácora persoal que pretende ser “un instrumento de debate, cada vez más urgente y necesario, sobre los problemas derivados del desarrollo económico y urbanístico de Boiro”, -tal e como di o propio autor-

Eu coincido con Carlos na necesidade de crear máis espazos de debate e participación no noso municipio, algo do que se carece; e en especial na rede, xa que cando palabras como internet, rede, wifi, adsl, blog, …, xa están arraigadas nos concellos máis desenvolvidos, en Boiro (con preto de 20 mil habitantes e inmerso nun proceso de crecemento e progreso importante) parece que as novas tecnoloxías forman aínda parte dun futuro lonxano.

Polo que teño comprobado ata o de agora, só existen catro blogs: O bazar de Nes, Paula de Boiro, Carlos Insúa e un servidor; e unha web persoal de fotos de Boiro (Webboiro.com). O concello, a través do portal Boiro cidadán deu a posibilidade de crear un blog, pero a esta iniciativa só se sumaron cinco persoas que puxeron un post inicial e deixaron de actualizar este blog. Existe algún proxecto máis por aí, na inmensidade da rede, que ou desaparecu ou está esquecido.

En conclusión, Boiro, a pesares de contar cun movemento cultural e xuvenil en auxe, está obviando unha ferramenta tan útil e importante como internet; e o debate e a participación que facilitan os blogs na actualidade, aquí é inexistente. Por iso, o nacemento dun novo espazo  coma o creado por Carlos, sempre é unha ledicia.

Saúdos, e ánimo Carlos!!

septiembre 10, 2007 at 6:46 pm 2 comentarios

Blog Day

 

Hoxe é o día mundial dos “blogueiros”, o chamado Blog Day. Esta data consiste en recomendar cinco blogs diferentes “á nosa propia cultura, punto de vista e posición”, tal e como din os creadores desta idea.

Recomendar algo nunca é doado, porque seguro que se che queda algo ou alguén no tinteiro, e moito máis distinto á cultura propia. Pero de tódolos xeitos as miñas recomendacións son as seguintes, xa que é o que leo habitualmente:

  • A mis 95. O gran descubrimento. A avoa da rede que nos conta as súas historias, e a verdade é que con 95 anos ten moitísimo que ensinarnos.

  • Galpón de Breogán. Un blog no que de xeito irónico tratan a actualidade de Galicia.

  • Xaime. Trata un pouco de todo, aínda que destaco o seu sentido do humor e as súas creacións.

  • Andrés Milleiro. Non fai moito que empecei a ler o seu blog, pero enganchoume xa que trata asuntos diversos, en especial temas tecnolóxicos e da rede.

  • Marcus. Sempre aporta unha visión especial da actualidade máis diversa. Trata de todo un pouco pero dun xeito moi persoal.

De tódolos xeitos, quero saudar neste día a Loli, Paula, Lage, Iván, Miguel, Eladio, Pepe, Julio, Nacho, Nelly, Alfonso, Marco, Nacho  Escolar, …, en resumo, a todos e todas que facedes que poida estar máis cerca de vós grazas aos vosos opinións e comentarios.

Technorati

agosto 31, 2007 at 12:52 pm 2 comentarios

DdC. Apoiando a Iván en Fene

Iván Puentes

O venres estiven en Fene na presentación da candidatura do PSdeG-PSOE. Como xa saberedes a maioría esta candidatura encabézaa o meu compañeiro e amigo Iván, polo que este acto non foi coma calquera outro. Este mitin foi máis emotivo e importante que calquera outro aos que acostumo a ir. Varios compañeiros de Iván desprazámonos desde Santiago para apoialo (Carnota, Diego e Víctor), estaba tamén Javi García, Tamara Canosa, Nacho de Pontedeume, Bernardo, Xaime, Silvia, …, en definitiva, moitos amigos e amigas de Iván; pero tamén estaban algúns e algunhas que agora finxen unha grande amizade, pero que no seu momento se dedicaron a poñer tódalas pedras posibles no camiño de Iván para que non encabezase a candidatura socialista de Fene.

Neste acto interviñeron Ricardo Varela, secretario de organización do PSdeG-PSOE e antigo xefe de Iván, o cal amosou a súa satisfacción polo ambiente que se respiraba no acto, e afirmou que a súa experiencia e participación en distintos actos electorais facíalle amosarse convencido de que en Fene se ía a producir o cambio político, e que Iván ía a ser o próximo alcalde.

Iván na súa intervención falou de Fene, dos seus proxectos para cambialo, e nela podíase apreciar a ilusión que posúe, ademais dun enorme cariño polo seu pobo e un tremendo respecto polos seus veciños e veciñas. Tamén me vexo na obriga de dicir que esta intervención foi demasiado larga, aínda que Carnota, Diego e eu no coche camiño do acto xa fomos facendo aposta sobre a duración do discurso e todos tiñamos seguro que ía a pasar da media hora, e así foi. ¡¡Durou máis de corenta e cinco minutos!!. 

Pero non quero rematar este post sen destacar dúas cousas da presentación: por un lado a boísima intervención de Loli Rodríguez da que destaco unha frase sobre Iván, “os feneses e as fenesas tendes moita sorte, porque Iván quere cambiar o mundo, e para cambialo vai a empezar por Fene”. E polo outro é o magnífico lacón cocido que se serviu nos pinchos. 

Iván quero rematar este post dicíndoche que cando sexas alcalde de Fene nunca esquezas nin quen es, nin de onde vés, e por favor, non cambies.

abril 28, 2007 at 9:56 pm 3 comentarios

¿Conoces a Ignacio Segado?

web_cartaxena 

Levo varios días sen actualizar o blog, pero é que o traballo estame a absorber moitísimo tempo. De tódolos xeitos aproveito este anaco que teño hoxe para facervos unha recomendación dixital. A través do blog do meu compañeiro e amigo Alfonso Gil descubrín a web de Ignacio Segado, candidato socialista á alcaldía de Cartaxena, a cal é tremendamente orixinal e novidosa, xa que por poñer un exemplo direivos que non ten nin unha soa foto do candidato.

Aproveitando, e xa que estamos en campaña electoral e proliferan as webs e blogs de candidatos e candidatas, podedes recomendar algunha que resulte interesante.

E moita sorte desde Galicia para o futuro alcalde de Cartaxena.

abril 13, 2007 at 8:08 pm 3 comentarios

30 de marzo de 1998

Paula ao mes de nacer

Hospital Xeral de Santiago. Luns.12:45 horas da mañá. 3,450 quilos e 49 cms. Foi un parto máis sinxelo que o de Nerea, aínda que neste non me deixaron estar presente ata o final, pouco antes de nacer tiven que saír do paritorio. O día anterior, o domingo foi un a primeira vez que sentín un tremendo sentimento de ansiedade; atopaba só na sala de espera, porque Eva e eu quedaramos en que non íamos a chamar a ninguén, que íamos a vivir o nacemento da nosa primeira filla solos, sen ninguén no hospital. Pero eu non puiden aguantar, aquel sentimento de soidade, sen ninguén con quen falar, sen saber como se atopaba Eva, si Paula –xa tiñamos o nome decidido- ía a nacer ese día, …, logrou que collera o teléfono móbil e chamara a Luisa –a miña irmá- que vivía en Santiago e entre bágoas lle dixera onde estábamos para que viñera a facerme compaña e estar comigo.

Lembro tamén que sobre as doce da mañá do domingo Eva empezou coas contraccións cada vez máis seguidas e eu díxenlle que íamos para o hospital de Santiago, e ela, tan cabezota como sempre, empeñada en ir ao centro de saúde –como sempre gañou ela-. Ao chegar ao centro de saúde e contarlle ao médico de garda o que pasaba e que as contraccións eran cada cinco minutos, este púxose nervioso, e treméndolle a voz dicía: “rapidamente para Santiago, rapidamente para Santiago”. O médico era novo e eu creo que nunca se vira nunha situación así e semellaba que non tiña moito interese en pasar por ela.

O nacemento de Paula significou un cambio radical na nosa vida: os primeiros cueiros, os primeiros biberóns, os primeiros gases, etc.. Pero vale a pena, e o mellor que che pose pasar na vida porque as satisfaccións e as alegrías que che aportan os fillos están por encima de todo. E encima Paula é especial, é unha nena incrible –que podo dicir eu-. Ademais é tremendamente parecida a min: “igualiña, igualiña que seu pai”, di sempre Eva, aínda que moito máis guapa, por sorte para ela.

O tempo pasa e Paula xa cumpre nove anos. ¡¡NOVE ANOS!!. Feliz cumpreanos Peque.

marzo 30, 2007 at 12:39 am 3 comentarios

Paula no País

paula_pais

Hoxe sae Paula no xornal El País falando do seu blog. O xornalista e tamén “blogueiro” Xosé Manuel Pereiro, fai unha reportaxe titulada “Querido ciberdiario” na que comenta e analiza a presenza na rede de varios blogs de nenos e nenas galegos.

Como vos podedes imaxinar cando vin pola mañá a foto de Paula no xornal caeume a baba, porque ademais de ser lista é guapa –por sorte non saíu a seu pai-.

marzo 19, 2007 at 7:26 pm 1 comentario

Escríbelle a Isaac Díaz Pardo

Acabo de recibir un mail de Arredemo, o cal vos deixo como información  

A Rede de Acción Socio-Cultural Arredemo vén de pór en liña unha nova páxina: www.escribelleaisaac.info, para dar resposta a un agravio informático contra Isaac Díaz Pardo acontecido no web do Grupo Sargadelos. Hai dous días, os xestores do sitio anulaban e silenciaban a conta de correo de Isaac Díaz Pardo no dominio do grupo, onde o mestre recibía mensaxes de todo o mundo, especialmente desde a Galiza emigrante. A ligazón á súa biografía (http://www.sargadelos.com/ga/diazpardo1.html) é ao formulario de correo foi deshabilitada da páxina principal nunha clara tentativa por parte da nova dirección de Sargadelos de desvencellar a imaxe corporativa do grupo do seu fundador.Sabedores deste singular exercicio de cibermesquindade, varios activistas de Arredemo, decidiron copiar as páxinas orfas, aloxalas nun novo dominio e ofrecer ao mestre unha nova conta de correo onde poder continuar a recibir a solidariedade e o agarimo dos miles de galegos e galegas que aínda lle profesan a admiración, o agradecemento e o respecto debidos a un dos homes que máis loitou e traballou a prol da nosa cultura e da nosa identidade como pobo. No novo web inclúese tamén unha ligazón á campaña “Apoio a Isaac Díaz Pardo”, mestreisaac.aduaneirossemfronteiras.org, que desde hai varios meses recaba sinaturas contra a xubilación anticipada do mestre e a nova filosofía mercantilista que a actual dirección pretende imprimir ao grupo Sargadelos.

Deste xeito, a Rede de Acción Socio-Cultural ARREDEMO, que actualmente traballa na posta a punto do seu novo portal de comunicación socio-cultural, quere anunciar o inminente desenvolvemento dunha serie de accións de solidariedade con Isaac Díaz Pardo e co Instituto Galego de Información, actual obxectivo da nova dirección de Sargadelos na súa estratexia de liquidación do legado histórico e conceptual de Luis Seoane, Andrés Fernández-Albalat e o propio Díaz Pardo, sen o cal a actual cultura galega non se podería comprender.

Neste sentido, Arredemo quere facer un primeiro chamamento ao mundo social e cultural galego para participar e colaborar na campaña facéndolle chegar ao mestre mensaxes de solidariedade e apoio a través da súa nova conta de correo: isaac@escribelleaisaac.info, aloxada en www.escribelleaisaac.info.

Por riba das coitas e loitas propias dunha empresa como Sargadelos, desde Arredemo pensamos que preservar a dignidade persoal e intelectual dun home como Isaac Díaz Pardo é un compromiso que atinxe a toda a cultura galega.

marzo 19, 2007 at 2:36 pm 26 comentarios

Entradas antiguas Entradas recientes


Calendario

septiembre 2021
L M X J V S D
 12345
6789101112
13141516171819
20212223242526
27282930  

O meu Twitter

  • RT @ConcelloAmes: 💕Animando á solidariedade! A unidade móbil de doazón de sangue estará o 16 e 17 de setembro no #Milladoiro, no cruce da R… 1 day ago
  • RT @ConcelloAmes: 💠Organizamos o XII Campionato de Galicia Absoluto de 5K en ruta, en colaboración con @atletismogalego. 🎽Será o 26 setembr… 1 day ago
  • RT @ConcelloAmes: Reanudamos os programas #Amessan e #Sanauga con novidades❗️ 💚Amessan incorpora baile en liña e bailoterapia 💚Sanauga inc… 1 day ago
  • RT @carlosecue: Dice el Financial Times que la decisión de Sánchez sobre la energía mete presión a otros países de la UE que tienen también… 2 days ago
  • RT @ConcelloAmes: MERC@MES | Mañá 15 de setembro comeza a 2ª fase da campaña de tarxetas bono, até o 15 de novembro. ✨Poderedes adquirir os… 2 days ago

Estadísticas

Geo Visitors Map

De onde veñen?

Creative Commons License
Esta obra está bajo una licencia de Creative Commons.