Posts filed under ‘Xerais 2008’

Tamén con Sonsoles!!!

Sonsoles Espinosa

Sonsoles Espinosa é a dona de Zapatero, pero eu estou seguro de que son moitos os españois que descoñecen como cal é o nome e a que se dedica a “presidenta consorte”. Pero está claro que para o PP vale todo, lévano demostrado ao longo desta lexislatura, e agora tocoulle o turno a Sonsoles, a cal intentou pasar o máis desapercibida posible durante a súa estadía na Moncloa.Hoxe a fichaxe estrela do PP, o galáctico de Rajoy, decidiu nun ataque de inspiración durante unha entrevista na Cadena SER manifestar que:

“Compraría la voz de su señora, que canta en un coro. A ver si nos regala sus canciones, ya que no pudo estar en el aniversario del Rey por estar en el coro. Resulta que no puede faltar una voz de entre las 40 del coro, es tan importante su voz que se la compraría.”

Pois parece que ao tiburón das finanzas non lle parece ben que a dona do Presidente do Goberno cante nun coro, xa que ao mellor pensa como o seu amigo José María Aznar que a muller ten que ser “muller, muller”, e polo tanto debe de estar na casa coidando aos fillos e facendo as tarefas da casa.

¿Que vai ser o seguinte que pode usar o PP durante esta campaña?. Atacar ás fillas de Zapatero, ou a seu irmán ou a seu pai, porque ao avó –o Capitán Lozano– ademais de fusilalo no ano 36 seguírono insultando e faltándolle ao respecto durante esta lexislatura.

febrero 5, 2008 at 2:10 am 6 comentarios

DdC. Volver a empezar: unha nova campaña.

Zapatero en Ourense

Levo varios días “desaparecido” da rede, pero nesta ocasión foi por causas alleas á miña vontade, xa que a culpa foi dunha infección respiratoria que me tivo desconectado durante uns días e recluído na casa. Pero xa estou novamente por aquí disposto a seguir dando guerra e a contarvos algunha que outra “batalliña”.A verdade é que o regreso ao traballo foi de todo menos suave, xa que temos a maquinaria electoral en marcha e quentando motores para afrontar a campaña das eleccións xerais con garantías. Para empezar dous “mitins”: onte en Pontevedra e hoxe en Ourense –con Zapatero-; pero, ademais, mañá imos a Ferrol e o domingo un paseo por Padrón.

Eu intentarei, ao igual que na última campaña, ir contándovos as anécdotas e outros historias que nos acontezan durante estes meses. Confesareivos que o inicio non tivo desperdicio e empezamos onte coas anécdotas xa que Fernando Martínez e eu tivemos que ir dando un pequeno paseo a pé pola autoestrada –camiño de Pontevedra- porque Víctor e Castiñeiras esquecéronse de collernos na área de servizo na que eu deixei o meu coche, e déronse conta cando pasaran de largo; pero nada, unha carreiriña pola vía de acceso e “aquí no pasa nada”, entre nós e sen que se entere ninguén: menos mal que non pasou nese momento a Garda Civil de Tráfico.

Hoxe estivemos no Pavillón dos Remedios de Ourense no primeiro mitin de Zapatero en Galicia, e foi un éxito. Máis de cinco mil persoas abarrotaban o pavillón e foron moitas as que quedaron ás portas, xa que dentro non collía nin un “alfiler”. Zapatero estivo grandioso e tivo, como non, palabras de cariño para os bispos dos que dixo que caeran na tentación de usar o terrorismo na campaña electoral. Falou tamén do medo e das escusas do PP cos debates electorais.

Antes de empezar o mitin, a anécdota foi a intervención do Follonero -o que aparece no programa de Buenafuente– que subiu ao atril e pediu o apoio para o PSOE e para Zapatero. Despois estiven falando con el nun dos pasillos, mentres esperábamos que chegara o presidente, e comenteille que me sorprendera que se mollase desa forma, pero que é algo que se agradece. ¡¡Eu que sempre pensei que a Sexta era do PP!!. Por certo, o Follonero vai a ter un programa na Sexta que se vai chamar “Salvados por la campaña”.

Pois por hoxe nada máis, voume deitar que mañá tocamos en Ferrol e hai que madrugar.

febrero 2, 2008 at 2:18 am 3 comentarios

¡¡Pobre Gallardón!!

A vida é así de dura e de complicada, resulta que o “Raúl” do PP, ese “crack” que é capaz de conseguir cos seus goles que o seu equipo consiga victorias soadas é apartado da selección Popular e non consigue que o convocan para xogar na Champions da política española. ¡¡Pobre Gallardón!!.

Pediuna unha, … dúas e … ata tres veces; nos xornais, na televisión, nas radios, …; pero o Aragonés de turno do PP negoulle a posibilidade de mellorar e incrementar o seu palmarés, quizais polo recelo e a envexa que xera o crack Gallardón entre os seus compañeiros e compañeiras de vestiario.

¿E agora que?. ¿Que vai pasar co alcalde madrileño?. ¿Como vai asumir ese castigo que lle impoñen os seus propios amigos?. Terá ánimos e folgos para continuar xogando e marcando goles para o seu equipo?. A verdade é que un home tan acostumado á victoria, que unha derrota tan severa como esta é para ir pensando na retirada.

¡¡Pobre Gallardón!!.

enero 16, 2008 at 2:08 am 3 comentarios

Pizarro, a gran fichaxe

Manuel Pizarro

Parece que Mariano xa está perfilando as candidaturas e o seu próximo goberno. O novo e flamante fichaxe de Rajoy para formar parte das listas é Manuel Pizarro, que ademais –segundo informa a Cadena Ser– vai a ser tamén o que xestione o Ministerio de Economía, no caso de que o líder popular sexa o próximo presidente do goberno.Pizarro é bo amigo de Aznar, e destacou, sobre todo durante esta lexislatura, por converterse no brazo armado do PP e loitar con uñas e dentes contra a OPA que Gas Natural lle lanzou á eléctrica Endesa –compañía que presidía desde o ano 2002 por obra e gracia do goberno de José Mari-. Pizarro, desde logo, estes servizos ao PP de Rajoy e Aznar non eran gratuítos, e moito menos un favor persoal, xa que o candidato a Ministro de Economía de Rajoy cobrou no ano 2006 un “ridículo” soldo de 3,2 millóns de euros (máis de 532 millóns de pesetas), un 38 por cento máis do que percibira no ano anterior. En definitiva: ¡¡unha miseria!!.

Pero, vendo os galácticos que o candidato Rajoy está a fichar, eu estou impaciente por coñecer a totalidade das súas listas, porque non me estrañaría que dentro das súas incorporacións aparezan nomes coma o do cardenal Rouco Varela, que ben podería dirixir o novo Ministerio da Familia que xa prometeu Mariano, ou é que quizais non o merece tanto coma Pizarro. Jiménez Losantos -ese comunista reciclado- podería ser un excelente portavoz do goberno, Alcaraz, o presidente da AVT, sería un magnífico ministro do Interior, … ; eu a verdade vou a seguir ansioso o desenlace das listas populares.

enero 15, 2008 at 2:03 am 2 comentarios

Campaña Electoral 2.0

blas_anosaterra.jpg

Días atrás propuxéronme colaborar de cando en vez cun artigo de opinión na edición dixital do diario A Nosa Terra, e a verdade é que non puiden dicir que non por varias razóns: por unha banda pola historia que posúe este xornal centenario no noso País, por outra porque iniciaban unha nova etapa na súa edición dixital, e por outra porque o director é Xurxo Salgado, un profesional e unha boa persoa coa que teño compartido bos momentos durante as duras e longas campañas electorais.

Esta é a miña primeira aportación, e espero que forme parte dunha longa serie de artigos.

Facebook, MySpace, YouTube, Second Live, Blog, … eran termos que ata non fai moito pasaban desapercibidas, ou simplemente non existían nas campañas electorais. Agora, nembargantes, a popularidade e a importancia da rede, especialmente entre os máis mozos, fai que os partidos políticos enfoquen unha parte importante da súa estratexia electoral cara internet para intentar pescar o maior número de votos posibles.

Esta campaña electoral que temos aí á porta preséntase moi interesante e sobre todo novidosa, xa que os comités electorais e os responsables de novas tecnoloxías dos partidos políticos están centrados na carreira dixital por conseguir ser os primeiros en acadar a meta da innovación. Agora non se entende un candidato sen unha web ou un blog, ou un partido sen un espazo no que colgar os seus vídeos de campaña, ou sen un foro no que os internautas poidan facer preguntas ou suxerencias, … ; e todo isto está moi ben, eu coincido en que os líderes políticos deben de ter presenza na rede, pero discrepo fundamentalmente nunha cousa, que esta avalancha internaútica debería de ser continua, e non só durante as campañas electorais. Se facemos un repasiño breve e real do uso da rede por parte dos políticos comprobamos que son moi poucos os que empregan esta ferramenta de xeito habitual. Pero, durante as campañas, como dicía ao principio, non hai candidato e candidata que non teña o seu blog, o cal desgraciadamente queda abandonado unha vez rematada a contenda electoral, por iso, ás veces os blogues electorais lémbranme a esas mascotas que regalamos polo nadal e que ao chegar ao verán deixamos tirados nunha estrada.

A verdadeira campaña electoral non dura quince días, nin tres meses dura toda unha lexislatura, por iso sería positivo que non mirásemos a rede como un filón propagandístico temporal e conseguísemos cambiar o “chip” e todos estes medios que despregamos en campaña conseguísemos que permaneceran despois do día D.

diciembre 26, 2007 at 10:49 pm 1 comentario

Palabra de Aznar, te alabamos …

Aznar en Murcia

O ex presidente do goberno, José María Aznar, recalou este fin de semana en Murcia, canso, seguramente, xa se falar en tantos idiomas estranxeiros nesta ocasión quixo que a súa doutrina rancia e fascistas se escoitase na súa lingua natal. Nesta ocasión a súa conferencia tivo lugar nun colexo chamado San Buenaventura, dos Padres Capuchinos –non teñen nada que ver co café-, e o aquí foi o lugar elixido para predicar o dogma de fe que José María está intentando espallar.

Ao presidente de FAES calquera sitio e persoa lle parece axeitado para redimir aos mortais dos seus pecados, e conseguir captar ao maior posible número de infieis para a súa causa. En Murcia os elixidos –tal e como nos conta Kheldar no seu blog– foron nenos de entre 13 e 17 anos, pais e profesores; e o seu sermón foi basicamente o mesmo de sempre: a unidade de España, o terrorismo, a educación, …, acompañado dunha forte crítica ao socialismo e á esquerda.

Aznar, que por certo, parece ser que non aproveitou a súa visita a Murcia para visitar ao alcalde de Totana, está cada vez máis inmerso na campaña electoral das eleccións xerais, a cal, por outra banda, non abandonou aínda desde o 14 de marzo do 2004. Estas conferencias do ex presidente, ademais de para adoutrinar, tamén lle serven para facer caixa e incrementar as arcas da empresa Famaztella SL.

::Recoméndovos a lectura da crónica deste acto realizada por un antigo alumno do colexo San Buenaventura.

Máis info en RadioCable.com

diciembre 16, 2007 at 6:17 pm 4 comentarios

Debates, agora si

Zapatero e Rajoy ás postas da Moncloa

¡¡Que sorpresa!!. O PP pide dous debates cara a cara entre Rajoy e Zapatero. ¡¡Como cambian as cousas!!. Fai catro anos Zapatero pediu debater con Rajoy, e este negouse, as razóns non están claras, quizais fose por medo, ou porque como daquela gobernaba o PP estes preferiron non darlle oportunidades á oposición.

Catro anos despois as cousas cambian, pero substancialmente, xa que foi o propio presidente do goberno o que retou a Rajoy a debater na televisión, e agora son os populares os que piden xa que os debates sexan dous. ¿Que foi o que cambiou?.

Actualización: Rajoy xa pide tres debates, e ademais pon a condición de que teñen que ser nas televisións privadas. De Televisión Española nada de nada. Pero ademais ten o “morrazo” de dicir o seguinte: “Yo creo que unos debates en televisión bien organizados pueden ser muy útiles para que la gente pueda conocer las propuestas y el diagnóstico de las situaciones de cada uno de los candidatos”.

Rostro e desfachatez non lle falta a Mariano e aos colegas do PP, que son capaces de xirar e modificar os seus argumentos en función dos seus intereses. Rajoy neso é como Groucho Marx: “Estos son mis principios. Si no le gustan tengo otros”.

diciembre 11, 2007 at 5:31 pm 2 comentarios

La mirada positiva

Zapatero-Lamirada positiva

Hoxe foi a presentación oficial de Zapatero como candidato á Presidencia do Goberno. Esta campaña preséntase interesante, e o PSOE ao igual que nos últimos tempos aposta por dar unha imaxe fresca e moderna, e facer unha campaña en positivo, e para eso nada mellor que o seu slogan “La mirada positiva”. Ademais, polo que sabemos ata o de agora unha canción de Tequila acompañará e será a sintonía da campaña: Que el tiempo no te cambie.

Tempo teremos para falar desta campaña.

noviembre 26, 2007 at 1:42 am Deja un comentario

Monseñor o fariseo

Blázquez e Rouco

A Igrexa Católica española xa iniciou a campaña electoral, e o único ao que podo achacar as palabras de Ricardo Blázquez nas que presuntamente pedía perdón pola participación da igrexa na Guerra Civil.

“Deseamos pedir el perdón de Dios para todos los que se vieron implicados en acciones que el Evangelio reprueba, estuvieran en un lado u otro lado de los frentes trazados por la guerra”. Estas palabras de Blázquez -entre outras- representan para a maioría dos medios de comunicación unha gran nova porque a Igrexa pide perdón. E, como vos dicía, considero que Blázquez é un fariseo, un actor que está interpretando un papel nun momento determinado porque tanto a el como á Igrexa que representa lle interesa, pero a realidade é que ata o de agora nin Rouco, nin Cañizares, nin o Papa lle pediron perdón ata o de agora ás víctimas da “santa cruzada” franquista aos cales sempre mantiveron no seu esquecemento; nembargantes aos do outro lado, aos seus, si os lembran e premian coa beatificación –498 recentemente-. Como di o refrán: unha cousa é predicar –monseñor- e outra dar trigo, e Blázquez trigo ata o de agora non foi capaz de darlle ningún aos do outro bando, a aqueles que fusilaron nos cemiterios e mataron ás portas das igrexas.

A Conferencia Epìscopal, co seu presidente á cabeza, está xa inmersa nunha campaña electoral da que é parte importante e interesada desde fai xa moito tempo, e ao igual que o PP os bispos españois tamén fan a súa Conferencia Política, as cales coinciden case nos días; e mentres Rajoy fai anuncios de fume –coa baixada de impostos-, Blázquez, que non vai ser menos, xoga tamén o seu papel de telepredicador.

¡¡Deus nos colla confesados!!

noviembre 20, 2007 at 8:10 pm 1 comentario

No nos falles


Na noite electoral do 14 de marzo do 2004 un mozo díxolle a Zapatero: “No nos falles”. E transcorridos case catro anos tocar facer balance; as Juventudes Socialistas lanza un novo vídeo no que varios mozos e mozas falan dalgunhas das promesas de ZP que cumpriu durante esta lexislatura.

Por certo, a canción do vídeo é do grupo Tequila e foi versionada por Los Secretos e titúlase: “Que el tiempo no te cambie”.

noviembre 11, 2007 at 2:21 am Deja un comentario

Entradas antiguas Entradas recientes


Calendario

septiembre 2021
L M X J V S D
 12345
6789101112
13141516171819
20212223242526
27282930  

O meu Twitter

  • RT @ConcelloAmes: 💕Animando á solidariedade! A unidade móbil de doazón de sangue estará o 16 e 17 de setembro no #Milladoiro, no cruce da R… 1 day ago
  • RT @ConcelloAmes: 💠Organizamos o XII Campionato de Galicia Absoluto de 5K en ruta, en colaboración con @atletismogalego. 🎽Será o 26 setembr… 1 day ago
  • RT @ConcelloAmes: Reanudamos os programas #Amessan e #Sanauga con novidades❗️ 💚Amessan incorpora baile en liña e bailoterapia 💚Sanauga inc… 1 day ago
  • RT @carlosecue: Dice el Financial Times que la decisión de Sánchez sobre la energía mete presión a otros países de la UE que tienen también… 2 days ago
  • RT @ConcelloAmes: MERC@MES | Mañá 15 de setembro comeza a 2ª fase da campaña de tarxetas bono, até o 15 de novembro. ✨Poderedes adquirir os… 2 days ago

Estadísticas

Geo Visitors Map

De onde veñen?

Creative Commons License
Esta obra está bajo una licencia de Creative Commons.