Posts filed under ‘Xunta’

As barbaridades de Feijóo

Sen dúbida que Feijóo estase a convertir nunha das máximas atraccións do PP en Galicia, e case xa empezan a exportar o produto fóra das fronteiras do noso país.

Neste ano de goberno, o presidente da Xunta regalounos xa varios momentos estelares, dignos dun humorista cutre co que Gayoso, o do Lúar podería contar sen ningún problema. Non hai tema que o bo de Feijóo non tocara, é capaz de facer monólogos sobre a igrexa, a igualdade, o machismo e incluso insinuarse a xóvenes actrices. É un “crack” da interpretación, a verdade é que se no PP tiveran que facer un concurso, sería difícil atopar gañador no xénero do humor; no do drama gañaría sen problema Mayor Oreja.

Pois entre Aznar, cos seus cortes de mangas en directo ao público, e esas poses chulescas; Rajoy que é capaz de darnos tan bos momentos como o exemplarizar a Matas, como de deixalo tirado, ou contarnos eses chistes tan bos con acento de “pshhhh”; a xenial Esperanza, que tanto torea un hospital, como inaugura un toro; Nacho Uriarte, que conta uns chistes de borrachos xeniais; ou, Albertito Feijóo, que é capaz de plantarse no Vaticano diante do Papa coa querida. Menudo elenco para un programa de chistes.

Pero agora o noso presidente, como cando fai “bolos” polas ceas lánzase a decir barbaridades, e non se mide, e é capaz de insinuarse a unha rapaza de “vintepoucos”, invitándoa a tomar copas, e presumir diante de centos de mozos, ao que lle di que vai a ir de festa ata as seis da mañá, e que ao día seguinte non ten pensado traballar; como é capaz de facer eses chistes malos, despois arrepíntese a actúa como censor eliminando vídeos que están colgados na rede coas súas actuacións.

Menos mal que o Galicia Confidencial, que ademais foi o primeiro en sacar a nova (grazas) gardou unha copia, e podemos seguir avergoñándonos do humor negro e machista de Feijóo, dos seus chistes de vello verde, que semella que con dúas copiñas de viño se esquece de quen é e empeza a decirlle babosadas as rapazas mozas.

Menudo presidente nos tocou en gracia, somos afortunados. Ao final ata vai a facer bo a Fraga.

AM

Enlaces á nova:

Galicia Confidencial (2)
Público
Xornal

marzo 25, 2010 at 7:59 pm 2 comentarios

Oreja, Rajoy e Feijóo. Quen moito fala …

Cada vez estou máis convencido de que internet é un dos grandes males para os políticos. Bueno, quizais non para todos, pero si para aqueles que falan de máis sin saber o que din, ou que falan por falar.

Vou a citar tres exemplos, e como vos imaxinaredes van a ser do PP.

– O primeiro vai a ser o “sosainas” de Mayor Oreja, que ten a desfachatez de acusar alegremente ao presidente do goberno do seu país de estar negociando con terroristas, porque comparte o mesmo obxectivo ca eles. Pero, o “jodido” e que di eso e quédase tan “pancho”, non pasa nada. Que lle pode facer a un individuo que diga algo tan grave como eso: N A D A.

Pero o bo, e que as hemerotecas están aí, e a través de San Google (deus o teña na gloria) podemos atopar cousas como a foto da portada, na que Mayor dixo nunha entrevista no Diario de Sevilla alá polo ano 2000: “Estaría dispuesto a sentarme con ETA”. Imaxino que non sería para convecelos de que foran máis á misa, non?

– Outro dos exemplos é o Mariano el grande, que dixo nunca ocasión en Mallorca, durante un acto: “Vamos a intentar hacer en España lo que Jaume (Matas) y todos vosotros hicisteis en Baleares”. Ou tras clausurar o congreso popular das illas no ano 2004 dixo de Matas: “Un presidente serio” y un gobierno “mucho mejor que el Gobierno de España”.

Non cabe dúbida de que Rajoy luciuse no seu apoio a Matas, e aí están as hemerotecas para confirmalo, a pesares que agora renegue do ex presidente balear e ex ministro con Aznar.

– E por último non quero deixar pasar o exemplo do noso presidente, do noso Alberto, que grazas á tecnoloxía dos móviles, e ao YouTube pudemos velo tal e como é: machista, chulo e prepotente. Ademais de contemplar como se comporta o “típico chulo de discoteca” cando intenta ligar cunha compañeira de partido, e fai gracietas botándolle os “tejos” en público. Ver para creer!!

Non sei que pensará desto a Conferencia Episcopal, o Papa, don Manuel, etc.

Por eso, só podo dicir: Grazas a internet e á hemerotecas, por ensinarnos a cada un como é.

AM

marzo 24, 2010 at 3:19 pm 2 comentarios

E Puy chateando … !!

Chamádeme raro, pero eu hai certas cousas que non entendo e moito menos comparto. O Parlamento de Galicia celebra dous plenos ordinarios ao mes en sesións de dou días.

Pois resulta que ao deputado do Partido Popular de Galicia, Pedro Puy, e ao seu grupo político non se lle ocorre mellor idea que participar hoxe (10 de marzo) día de sesión parlamentaria nun chat a través da web do PPdeG.

Durante máis dunha hora abandonou o portavoz de economía do PPdeG no Parlamento de Galicia o seu escano para respostar ás preguntas dos afiliados e simpatizantes populares. Pero o bo, é que no PPdeG considérano algo normal, porque, segundo eles: “A ausencia é dunha hora dentro de dous días de pleno. E repetimos que Pedro, ademais, segue o pleno dende o seu despacho”. Tale como me respostaron a través do seu Twitter.

Está claro que aos membros, tanto do PPdeG coma do goberno da Xunta dalle todo igual, e pásanse as institucións polo forro. Ao presidente da Xunta dalle igual que o Papa o reciba como séquito, e levar á súa parella como colaboradora; permítense frivolizar coa igualdade e disfrazar de chacha a un conselleiro; cambiar a toponimia dos concellos galegos e mentirlle ao Parlamento; apropiarse de xeito indebido de cartos de todos os galegos e galegas e recoñecelo publicamente e non dimitir; ou –como agora- abandonar o seu escano, e polo tanto o seu traballo, para ir a participar en actos de partidistas.

Non deixan de sorprenderme, que pode ser o próximo. Só Feijóo noso señor o sabe!!

AM

marzo 10, 2010 at 2:45 pm 3 comentarios

A “afoto” de Feijóo

Producciones Frijito lanza unha nova creación audiovisual á rede na que ironiza en forma de pareado sobre a viaxe de Feijóo ao Vaticano. Non vai gañar nin un Óscar nin un Goya, pero aí está para que o vexades, se queredes.

AMMA

marzo 4, 2010 at 5:40 pm Deja un comentario

A “sagrada” mentira de Feijóo

Feijóo co Papa

Resulta que estes días o noso presidente saíu todo chulo posando ao carón do Papa Benedito. Disque, según o Nodo Galaico, que Benedicto XVI lle dera audiencia ao presidente da Xunta de Galicia, o cal o ía a invitar a vir á nosa terra.

Pois resulta que todo é unha mentira do Nodo Galaico, do PPdeG, da Xunta e de Feijóo que non tivo reparo ningún en colarse como “sequito” do Arcebispo de Santiago, Julián Barrio, para sacarse unha foto ao carón do Papa e anotarse un tanto: a visita da Súa Santidade a Compostela durante o Xacobeo. Parece ser que desde o xoves pasado xa se sabía nos feudos da igrexa que o Papa visitaría Galicia, e que recibiría a Julián Barrio o luns para pechar a visita; por iso Feijóo apurou o paso e moveu os fíos para colarse na audiencia.

En definitiva, que o Papa nunca tivo previsto recibir a Feijóo como presidente da Xunta, tal e como se pode comprobar na páxina web da Santa Sede. Pero Feijóo non contento con cometer o pecado de mentirlle aos Galegos e galegas e involucrar á igrexa para lograr os seus obxectivos, tivo o descaro de levar de acompañante á súa parella e posar con ela ao carón de Benedicto, o cal horas despois enfureceu aínda máis á igrexa, xa que para o clero, o presidente vive en pecado, posto que non recibiu o sagrado sacramento do matrimonio.

Que Feijóo é un “crack”, que é capaz de facer calquera cousa por unha foto. Sigue así presidente que en pouco tempo vémoche cun programa na galega ao estilo Chavez, ou participando en Mira Quien Baila do lado de Belén Esteban.

ACTUALIZACIÓN (04/03). Algún medio de comunicación faise eco da visita fraudulenta de Feijóo ao Vaticano. Esa visita na que se colou como parte do séquito do Arcebispo Julián Barrio. Podedes ver a nova no Xornal de Galicia e no diario El País.

Pode ser que hoxe o presidente explique máis en profundidade a visita durante a rolda do Consello da Xunta.

AM

marzo 3, 2010 at 2:15 pm 7 comentarios

As subastas do PP

Está claro que o goberno de Feijóo é un goberno de subastas. Á grandísima idea dos “cachorros” populares de subastar diversos obxectos dos seus mitos e referentes políticos: Alfonso Rueda, Rosa Quintana, Pilar Rojo, etc. Tamén teñen a brillante idea de sortear unha cea en MONTE PÍO co presidente da Xunta. E en palabras da voceira dos “cachorros e cachorras” populares, María Seoane, “en cuanto se lo propusimos al presidente, este accedió encantado. Todo sea por una buena causa”. Pero é que non se dan conta de que están subastando –os de Novas Xeracións– unha cea –que pagamos todos os galegos e galegas- co presidente da Xunta –de todos os galegos e galegas- e en Monte Pío –na residencia oficial que pagamos todos os galegos e galegas- A verdade é que todo esto é unha coña, eu creo que non saben que o día dos Inocentes xa pasou.

Está claro que ao goberno de Feijóo gústanlle as subastas, empezaron polos Audis e seguen con ceas en Monte Pío. E a subasta dos Audis non tivo moito éxito, xa que de vinte só se venderon tres.

Que pode ser o seguinte. Eu vou a dar unhas ideas: Unha noite de copas con Alfonso Rueda, un fular do conselleiro de Educación, uns tirantes de don Manuel, un paseo no Citroen “regalado” de Feijóo, ou dous no de Negreira, …, buff!! Non sei tantas cousas ten este goberno para subastar.

Pero, no canto de xogar coa frivolidade, e facer unha especie de supermaratón televisivo similar a aqueles que facían tempos atrás nas televisións; porque non abren a súa “chequeira” e fan un donativo do seu peto para tan noble causa. Por certo, medo me dá que o vindeiro ano non se lle dé por organizar un programa na TVG o día de nadal. Ufff, que medo!!. Xa o estou vendo … chamaríanlle “Superpopulares, o sea!!”, presentaríao María Seoane e o conselleiro de Educación (tal Esteban e Jorge Javier) e estaría dirixido e producido por Gayoso. Que marabilla de programa, estaría superguai.

Que barbaridade!!

AM

enero 5, 2010 at 12:27 pm 3 comentarios

Igualdade real

Levo varios días dándolle voltas na cabeza a un post sobre a muller e a política. E non quero deixar pasar a ocasión, agora que teño algo de tempo, de dar a miña opinión sobre a representación femenina nos postos de responsabilidade, e máis despois de celebrarse o 76º aniversario do sufraxio femenino en España, ou da recente concentración de protesta das Eurodeputadas pola escasa presenza de mulleres nas institucións europeas.

Está claro que a política e o poder segue a ser machista e masculina. Os homes ocupan a meirande parte dos postos de poder e responsabilidade tanto nos partidos políticos coma nos gobernos e institucións; e, iso é algo incuestionable. Eu nunca fun un defensor acérrimo das cuotas nas candidaturas electorais, porque penso que as persoas que teñen que ir nas listas deben de ser as mellares e/ou as máis preparadas, independentemente de si son homes ou mulleres, heterosexuais ou gais, xóvenes ou vellos, guapas ou feos. Ben sei que esto é un sono, agora mesmo só é unha frase feita que soa moi ben, e que seguramente moitos dos nosos representantes din nos mítines ou en actos, pero á hora de elexir ou propoñer vanse a inclinar polo home, e apartar á muller.

Enfádame moitísmo que se poida chegar a eses extremos de machismo, ou de ignorancia e falla de responsabilidade; e, máis cando eso ocurre no meu Partido, que precisamente foi o que máis fixo en toda a historia de España pola igualdade de sexos e pola defensa da Muller. Pero, cando descendes á crúa realidade, ás diferentes delegacións da empresa matriz chamada PSOE, ves que non é así. É case imposible que unha muller sexa Secretaria Xeral, moi difícil que sexa Secretaria de Organización, …, pero case todas as secretarías de benestar social, ou asuntos sociais (o 95 %) están ocupadas polo sexo femenino. Digo eu que as féminas do PSdeG saberán de máis cousas que o benestar!!.

Pero, resulta aínda máis grave cando se escolle a unha muller para que ocupe postos “decorativos”, ou para saír na foto, out amén para rellenar e despois poder vender que se cumple a paridade. Se agora mesmo no noso país máis do cincuenta por cento da población é femenina, e as mulleres son porcentualmente e por bastante diferencia as que máis se licencian na universidade, é doado cegar á conclusión de que “habelas hainas” para ocupar cargos de importancia e de responsabilidade.

Pero, se todo isto me enfada terriblemente, o que realmente me pon de “mala hostia” –perdón pola expresión- é cando ves como as que enarbolan a bandeira da igualdade conseguen colocarse, e despois pechan a boca por medo a perder o seu status. E, por riba intentan non deixar destacar a ningunha outra por medo a perder o seu sitio, e só traballan bombardeando e boicoteando ás do seu mesmo sexo.

A igualdade é cousa de todos e de todas, porque vai en beneficio da sociedade que os mellores, sexan homes ou mulleres, ocupen os postos de responsabilidade.

AM

noviembre 20, 2009 at 6:43 pm 5 comentarios

As miserias do PPdeG

O Partido Popular de Galicia sacaba onte un comunicado de prensa no que se atrevía a denunciar e acusar a unha persoa, a unha cidadá galega de ser socialista –en concreto dicían que concelleira-, e de ter uns ingresos familiares de 75 mil euros; e eso inhabilitabaa, segundo o PPdeG, para formar parte da Plataforma Galega pola Gratuidade dos Libros de Texto.

Esa é a actitude do PPdeG, esa é a estratexia do Partido de Feijóo: atacar aos cidadáns e as cidadás deste Pais, ás persoas anónimas por non defender o mesmo ca eles, e encima atreverse a criticalos e loitar para defender os seus dereitos. Ese é o novo PP!!.

Pero o peor de todo é que encima os Populares de Feijóo minten intencionadamente, xa que Charo Varela non é concelleira do PSdeG, pero que máis lles dá; o importante é facer dano. Pero ademais, atrévense a facer públicos uns ingresos familiares, que eu a verdade non sei se son certos ou non – e dame igual-, pero a pregunta que me xurde é: De ser certos, como sabe o PP que ten eses ingresos?. Acaso tamén puxeron en Galicia en funcionamento unha trama de espías que investiga aos galegos e galegas??. Hai límites que non se deben pasar nunca, e que o PPdeG está sobrepasando con creces, e eu creo que incluso está cometendo unha serie de delitos, e este é un deles. Se Feijóo tivese dignidade e respecto sairía públicamente pedindolle desculpas a esta cidadá que foi posta no disparadeiro por algún inepto do seu Partido

Todo vale para o PPdeG, pero eu animo a Charo a seguir defendendo e coitando no que cree, e sei que toda esta “merda” que están sacando o que fai é darlle moita máis forza. Ánimo Charo, e a seguir coitando.

AM

julio 27, 2009 at 1:39 pm 6 comentarios

Unha promesa electoral

Eu estaba na xuntanza na que acordamos propoñer a gratuidade dos libros de texto. Era un xuntanza electoral durante a campaña do 2005, e esta ía a ser unha proposta estrela, unha das chamadas promesas electorais.

Pero esa promesa nacida na efervescencia electoral fíxose realidade pouco máis de dous meses despois, no mes de setembro o Consello da Xunta aprobaba a gratuidade dos libros de texto. Creo que aquela xuntanza na Rúa do Pino, o apoio dos Galegos e das galegas e a decisión e o compromiso dun goberno progresista presidido por Emilio Pérez Touriño fixeron posible un dos avances sociais máis importantes no noso País.

Milleiros de pais e nais ían a notar nos seus petos un aforro importante, ademais de lograr que unha das súas reivindicacións se vise colmada. Sen dúbida, o sistema non era perfecto nos seus inicios, e creou confusión nos pais e nos centros, xa que algúns xa compraran os libros; pero despois dos habituais problemas dunha medida deste calibre o modelo foise mellorando e perfeccionando, ata que aquela promesa electoral xurdida no mes de xuño de 2005 se convirtiu nun dereito para as familias galegas. Convirtiuse nalgo tan normal que moitos pais e nais xa non lle daban importancia, é máis, moitos deles cando foron a votar o pasado mes de marzo nin se acordaron que antes da chegada de Touriño ao goberno había que pagar os libros.

Pero, por desgracia, coa chegada de Feijóo á Presidencia da Xunta este logro social vai a desaparecer. Ao PP nunca lle gustou que a educación estea ao alcance de todos, e agora decidiron cambiar un dereito por unha limosna; e só unha poucas familias terán acceso a un cheque-regalo. E encima atrévense a decir que a medida aprobada polo goberno anterior non era progresista, que a deles si o é. Ou que agora é cando os libros van a ser gratuitos de verdade. Que barbaridade!!. Que desfachatez!!!.

A realidade é que milleiros pais e nais imos a ter que desembolsar, novamente cada mes de agosto ou setembro, uns douscentos euros por cada fillo. Pero iso a Feijóo dalle igual, porque el está coa chamada política da austeridade, pero non pensa nas familias, nos galegos e nas galegas. Só pensa en facer política de escaparate e contentar aos sectores interesados en que os libros non sexan gratuitos.

Pero o peor de todo é que o sistema da esmola de Feijóo, é máis caro que o existente, e que implantou Touriño e o seu goberno no 2005.

A.M.

julio 1, 2009 at 12:21 am 2 comentarios

U-lo coche de Touriño?

Neste luns de resaca electoral venme á memoria a campaña das pasadas elecciónns autonómicas; a fantástica, a limpa e pulcra campaña desenvolvida polo PPdeG e Feijóo.

Pois si, hoxe véñenme lembranzas do coche de Touriño, o famoso coche do Presidente da Xunta que tanto xogo lle dou a Feijóo, a Rueda e aos dirixentes populares; e que decidiron popularizar e convertir nun ariete contra o Partido Socialista. Pero desgraciadamente, transcurridos tres meses, xa ninguén se acorda do Audi de Touriño, ninguén pregunta onde está, que foi del, que fixo Feijóo e o novo goberno co famoso coche, con ese exemplo do despilfarro e do luxo do bipartito –tal e como o dicían os populares-, ese coche que valeu máis de catrocentos mil euros, que era máis caro que o de Obama. Pero que en realidade foi máis barato que o de Ruíz Gallardón, o Esperanza Aguirre ou de Camps; e o de Obama só valeu tres veces máis, coa salvedade de que ten tres iguais. Pero que sen dúbida o PP lle supo quitar un enorme rendimento a base de falsedades, mentiras ao prezo do Audi A8 do presidente da Xunta de Galicia, e aproveitandose ademais dunha situación de crise.

Pasados máis de tres meses, e como suele pasar coas novas estrela, xa ninguén se lembra do “coche de Touriño”, a ninguén lle preocupa onde está esa máquina que custou tantos cartos, ou que fixo Feijóo con ela. O normal é que vendera o coche para non perder semellante gasto do bipartito, ou que, alomenos, se non conseguiu comprador, que o teña ben coidado. Pero, segundo me din, e espero que algún xornalista deste pais recolla o guante que lle lanzo e investigue se o que vou a decir é certo; parace ser que está abandonado nos garaxes de San Caetano, cheo de polvo e lixo, e agachado para que ninguén o vexa. Agora xa non é actualidade, o Audi A8 ficou no olvido, xa ninguén fala del nas tertulias radiofónicas, nos confidencias, nin nos diarios dixitais; xa non se acorda del nin o ABC.

Polo tanto, o símbolo do despilfarro do bipartito e de Touriño, segundo dicía o PP, agora convertiuse en abandono e deixadez por parte da Xunta de Feijóo, que sen dúbida foi o dirixente político que mellor rendabilidade lle quitou a un coche oficial, sin nunca montarse nel.

Ademais, non é que Feijóo decidira castigar ao Audi A8 presidencial e agachalo, senón que tamén retirou da circulación aos outros dous Audis que usaba a Presidencia da Xunta, e que foran mercados na época de Fraga, porque como todo o mundo sabe, Alberto Núñez Feijóo é fiel a Citroen, e prefiere viaxar nun C6 fabricado en Francia.

Agora xa ninguén fala do Audi de Touriño, nin do Citroen de Feijóo, ao que non esquezamos que a fábrica de Vigo lle regalou un C6 cando era aspirante á presidencia da Xunta. Por certo, a quen lle poida interesar, o Secretario Xeral do PSdeG viaxa nun Peugeot 607 mercado polo propio partido, en reting, para máis información.

Eu só espero que algún día se faga xustiza, e os que mentiron e enganaron paguen as súas débedas; e tamén me gustaría que os xornalistas políticos deste país non se queden en meros comunicadores ou simple mercaderes do cotilleo político, e fagan xornalismo de investigación. E a ver quen é o primeiro que consigue unha foto exclusiva do Audi A8 defenestrado por Feijóo.

SQCQM

junio 8, 2009 at 5:53 pm 9 comentarios

Entradas antiguas


Calendario

julio 2020
L M X J V S D
 12345
6789101112
13141516171819
20212223242526
2728293031  

O meu Twitter

Estadísticas

Geo Visitors Map

De onde veñen?

Creative Commons License
Esta obra está bajo una licencia de Creative Commons.