Posts tagged ‘PSdeG-PSOE’

Escola de Formación

O Partido Socialista cumple 130 anos, e coincidiredes conmigo en que son moitos anos, moita historia, moitos compañeiros e compañeiras, moita vida. Pero o bo, é que o Partido Socialista segue con forzas e con ilusión para seguir traballando e defendendo os seus ideais. Eu non sei se cando o galego Pablo Iglesias fundou este partido, pensou que ía a chegar tan lonxe, pero aí está sobrevivindo ás persoas, porque nós marcharemos pero o PSOE seguirá aí.

O pasado sábado estivemos homenaxeando a Pablo Iglesias en Ferrol, e neste acto Pachi, o Secretario Xeral, falou da creación da escola de formación do PSdeG –xa a anunciara tamén no Congreso-, e anunciou o nome: Francisco Fernández García. Pachi explicou que este compañeiro ferrolán foi o primeiro concelleiro que tivo o PSOE en Galicia, e que promoveu e defendeu xunto con outros compañeiros o socialismo na cidade departamental.

Sen dúbida é unha boa nova, porque a formación é algo necesario e moi importante para o bo funcionamento do Partido, ir creando e formando aos cargos públicos, e aos cargos orgánicos fai posible que o futuro sexa máis claro, e con máis posibilidades. Un dos erros cometidos polo PSdeG nos últimos anos foi deixar de lado a formación, a pesares de que os militantes e cargos do Partido a solicitaban constantemente; tamén é certo que nos últimos tempos, da man de José Manuel Lage se organizaron varios cursos e actividades formativas, pero sen dúbida, o ideal e o necesario é a creación dun centro de formación permanente, precisamente o que Pachi anunciou o sábado en Ferrol.

A.M.

mayo 5, 2009 at 11:30 am 3 comentarios

Touriño en Bos Aires (Vídeo de Seba Lorenzo)

Seba Lorenzo volve a darnos unha primeircia desde Bos Aires. Se onte vos contaba que bloggers arxentinos se facían eco da visita de O Presidente a este país; hoxe Seba colga no seu blog un post sobre o macromitin de La Rural (Bos Aires), e regálanos un fantástico vídeo de seis minutos sobre a festa e o desenvolvemento do acto, que remata cunhas palabras de Touriño.

Non cabe dúbida, e eu levoo defendendo desde fai bastante tempo, que a rede é unha ferramenta extraordinaria, e bloggers como Seba fan posible que non existan fronteiras nin distancias para acceder á información.

Moitas grazas amigo!!

A.M.

febrero 8, 2009 at 4:11 pm 1 comentario

Touriño.net

Case en exclusiva quero adiantarvos unhas imaxes da nova web que creamos para esta campaña. Trátase da touriño.net, a web de Emilio Pérez Touriño, coa cal pretendemos mantervos informados das actividades do presidente, así como fomentar a vosa participación e colaboración.

Esta web que será presentada nunhas poucas horas, conxuntamente coa touriño.tv, pretende ser unha web que perdure no tempo, e sobre todo, que sexa unha canle de comunicación directa cos internautas.

Espero que vos guste, tanto a touriño.net como a touriño.tv.

enero 22, 2009 at 1:21 am 2 comentarios

15 de decembro do 2008

O 15 de decembro do 2008 vai ser un día histórico para a comarca do Barbanza. Vai ser o día no que ao final as persoas que vivimos nesta comarca, as persoas de Ribeira, de Pobra, de Boiro, de Rianxo e de Dodro puxémonos a altura das comarcas mais importantes de Galicia, e por primeira vez un goberno nos ten en consideración e nos da a importancia que nos merecemos, un goberno que cumpre coas xentes do Barbanza.

O 15 de decembro do 2008, Emilio Pérez Touriño, o presidente da Xunta de Galicia, inaugurou a Autovía do Barbanza. Antes desta data só sufrimos humillacións e enganos, falsas promesas e escusas, desprezos, … e ata tivemos que comprobar durante moitos anos –demasiados- como morrían varias decenas de veciños destes concellos da comarca e de outros lugares; de comprobar con tristeza e con impotencia como moitas familias quedaban destrozadas ante a pasividade dun goberno e un partido que miraba para outro lado, un goberno e un partido que non facía nada, un partido que calaba.

O 15 de decembro do 2008, algo cambiou no Barbanza, e foi cando se quitaron a careta algúns políticos que preferiron boicotear o acto de inauguración da Autovía e a propia Autovía, antes que recoñecer que Touriño cumpriu a súa palabra e foi o presidente que nos colou na primeira división das comunicacións. Pero eso non é importante para eses políticos que prefiren antepoñer os intereses partidistas aos dos seus propios veciños, políticos que preferían que os milleiros de barbanzans tivesen que transitar por aquela vía da morte, a ter que desfrutar dunha autovía. Eses foron os políticos que estiveron obstaculizando desde o comezo esta obra, esta gran obra.

O 15 de decembro do 2008 foi o día no que se uniron o PP e o BNG para boicotear a Autovía do Barbanza, foi o día no que Torres Colomer, Isaac Maceiras e Xosé Deira se deron a man publicamente para deteriorar e danar esta importante infraestructura, e xuntos, cunha estratexia común, desprezar ao presidente da Xunta de Galicia. Pero non me cabe dubida de que a xente do Barbanza e intelixente e esta contenta porque xa temos Autovía. E eu so podo dicir: Grazas Touriño por cumprir!!. Oxalá outros cumpriran –e boicotearan- cando o tiñan que facer e seguramente nos aforrariamos moitas bagoas.

diciembre 17, 2008 at 12:54 am 1 comentario

Vídeo do domingo

Déixovos o vídeo do acto de proclamación do domingo. E un resumo pero recoméndovolo.

diciembre 17, 2008 at 12:45 am 4 comentarios

É moito o que nos xunta

Non foi un acto calquera, foi o gran acto. Foi a proclamación!!. Fai varios anos que tiña gañas de abrir os dous auditorios do Palacio de Congresos para facer un mitin, sabía que as imaxes e a sensación ía a ser espectacular. E ao final puidemos facelo. Comentábame esta semana a Directora do Palacio, que ela cree que se abriron os dous auditorios nunha ocasión, fai xa moito tempo.

Fai unhas semanas que o PP fixo un acto no mesmo sitio, pero só no auditorio grande, e dixeron que meteran alí sete mil persoas. Que esaxerados!!, -por non dicir mentireiros-; xa que de ser así, nós entón, con todo o Palacio aberto, metemos dez mil persoas, aplicando a mesma proporción. Pero, escapando da guerra de cifras, porque iso é o de menos, este acto foi sobre todo espectacular: moita imaxe e colorido, moita música, moita xente e moi animada, e unha boa intervención de Emilio Pérez Touriño, que debullou os logros do seu goberno durante esta etapa de cambio que se desenvolveu en Galicia.

Hoxe é un deses días nos que un se sinte orgulloso do seu traballo, e dos compañeiros e compañeiras que ten. Como é habitual, na organización destes actos está moita xente, pero o éxito foi debido a persoas como Aceña, Luismi, Sergio, Tere, Rocio, Eloy, …, e como non, os camaradas da Rúa do Pino, os da O, que sempre están nos éxitos: Eva, Víctor, Diego, Castiñeiras, Marquiños, Chus, Cruz, Ánxela, Paula, Patricia, Xusto, …

É moito o que nos xunta, pero especialmente a ilusión, o traballo, o progreso e o cambio. Xa queda menos para as eleccións, e esta semana saberemos a data de celebración, e ata o “Día D” queda moito traballo e moitos quilómetros.

Podes ver máis fotos no Flickr

diciembre 14, 2008 at 11:10 pm 7 comentarios

Domingo 14

ept_proclamacion

O domingo 14, ás 12 horas terá lugar a proclamación de Emilio Pérez Touriño no Palacio de Congresos de Santiago. Este acto é o punto de partida, a saída cara as eleccións autonómicas que ten que consolidar ao Presidente Touriño ao fronte da Xunta de Galicia.

Este acto que imos a celebrar no Palacio de Congresos vai a ser un acto distinto, novidoso, orixinal, …, un acto ao que non podedes faltar.

Por certo, haberá autobuses e servizo de gardería.

diciembre 10, 2008 at 3:27 pm 1 comentario

Entradas antiguas


Calendario

agosto 2017
L M X J V S D
« May    
 123456
78910111213
14151617181920
21222324252627
28293031  

O meu Twitter

Error: Twitter no responde. Por favor, espera unos minutos y actualiza esta página.

Estadísticas

Geo Visitors Map

De onde veñen?

Creative Commons License
Esta obra está bajo una licencia de Creative Commons.