Posts tagged ‘PSOE’

DdC. Casti, ti vales moito!!

Javier Castiñeiras

Javier Castiñeiras

Mitines, mercados, paseos pola rúa, etc. Desde o venres castiñeiras e eu levamos xa case mil quilómetros percorridos: Santiago, Vigo, A Coruña, Pontevedra, Vilalba; tres provincias recorremos nestes catro días, hoxe as tres no mesmo día. E como comprenderedes tantos quilómetros dan para moito, e máis cando se viaxa con Castiñeiras, un compañeiro único e unha gran persoa.

Casti ten unha preocupación, pensa que non se valora o suficiente o seu traballo, e en ocasións ten razón, xa que cando está ninguén pregunta por el, pero cando falta todos andamos preguntando: “onde está Javier?, a onde foi?, Javieeerrr!!!!”. E seguramente non sexamos capaces de trasladarlle o importante que é para o equipo de Rúa do Pino, e eu son quizais o que máis lle esixa e lle pide, pero é que en ocasións consideroo como un irmán pequeno.

Ademais, é unha persoa coa que nunca te aburres, sempre tenn unha anécdota que contarche, e ademais ten esa gracia galega, esa sorna e retranca tan nosa. Pois i maxinádevos o que é subirse nun coche que consume máis que o transbordador espacial, e que é coma un microbús de tamaño, sin GPS e con Javi e carecemos de sentido da orientación. As horas e os quilómetros dan para moito. Pero agora estamos acabando o mitin, e non podo contarvos ningunha anécdota. Deixoas para mañá.

AAAAAA.MMMMMM.

febrero 16, 2009 at 10:05 pm 8 comentarios

DdC. Non todo é política

Onte na Coruña tivemos un mitin impresionante con Zapatero e con Touriño. Pero non vos quero falar diso, hoxe quero que disfrutedes escoitando a tres rapazas: Ángeles, Carmen e Aixa, que teñen como nome artístico Gospel 3; e que cantan moi moi moi ben.

Durante o mitin de Riazor interpretaron unha versión góspel de “Quen puidera namorala”, unha versión adaptada por elas mesmas. Eu só podo dicirvos que son IMPRESIONANTES.

A.M.

febrero 16, 2009 at 6:30 pm 1 comentario

DdC. Xa estamos en campaña!!

touri_pegada

Xa estamos en campaña!!. Esta noite pasada foi o día do comezo da carreira, o inicio da conta atrás. Antes deste acto simbólico fomos co Presidente a facer un mitin ao Carballiño, e como sempre que imos alí o recinto do acto estaba a tope, xente de pé polos pasillo e na entrada, e por primeira vez había overbooking na sala de prensa; xa que como hai un plasma colocado no lugar onde seguen o acto os xornalistas,
que retransmite en directo o acto, habia moitas persoas vendo o acto pola tele.

Ir a calquer lugar da provincia de Ourense sempre é un pracer, xa que os compañeiros e compañeiras son estupendos. Osorio, Miguel Fidalgo, Lalo, María Quintas, Laurita,…, todos –bueno case todos- son moi boa xente.

Ao rematar o acto do Carballiño, coller o coche e saír pitando para Santiago. Castiñeiras e eu no noso Voyager, que por certo, consume un mogollón só tivemos que facer unha parada técnica para repostar, tanto o coche coma nós. Unhas pataquiñas ao xamón e unha Coca-Cola Light.

Xa en Santiago baixamos para o San Francisco, para a pegada. Alí nos demos cita case todo o Pino. Víctor, Castiñeiras, Dieguiño, Anxo, Eva, Ánxela, Marcos, Xusto, Paula, Esperanza, Fernando, …, case todos. E chegou o momento, como diría 009, o axente Feijóo. Luces, pantallas, carteis, cubos, directos de tele, aplausos, discurso, bandeiras, …, e remate. E ao acabar a comer un bocata. Non foi doado, estaba case todo pechado porque era a unha e pico da mañá, pero ao final atopamos un sitio no que sentarnos a cear algo. Ufff!!. Descansar un pouco, que ben!!. A verdade é que pasamos un bo rato, con nós estaba ademais Javier Carnota, Iván Puentes e a xefa, Mar.

Hoxe toca acto xoven, no cal estamos agora e á noite viaxar ata Vigo. Isto é a campaña, xa vos irei contando.

Se teño tempo, vou a facer de crítico musical e falarvos do “reggaeton”.

A.M.M.M.M.M.

febrero 13, 2009 at 1:04 pm 1 comentario

DdC. Un domingo en Lugo

lugo2

Son as sete da mañá e soa o despertador. Outro domingo máis a madrugar!!!. Que pereza!!!. Este primeiro domingo de febreiro toca inauguralo en Lugo, con Touriño e Zapatero. Ás nove recólleme Víctor, no coche ademais de nós os dous acompáñanos Ánxela, Eva Tomé e Esperanza.

O día non é fermoso –chove en Santiago e fai frío-, onte deiteime tarde –sobre as dúas da mañá-, xa que fomos con Mar Barcón a unha homenaxe a Lestedo. Polo cal, quero que notedes que non é un bo día, porque penso que mañá xa é luns, e despois martes, mércores, …, e outra vez a empezar.

O camiño ata Lugo é tranquilo, Ánxela dorme, Eva ven relaxada –segundo di ela- Esperanza pensando, Víctor conducindo atentamente coma sempre, e eu intentando escribir no Twitter, pero non hai cobertura 3G e vai moi lento. Diosssss!!!. Todo sae mal. Menos mal que na radio soa Fito e anímame un pouco.

Unha vez en Lugo o de sempre: protocolo, preparativos para a chegada, saúdos, stress e discusións con individuos de escasa calidade humana e carentes de toda seriedade. A xente comeza a entrar e a encher o pavillón, faltan uns ocos, aparecen os primeiros nervios postcomezo, pero alguén nos informa que aínda faltan autobuses por chegar. Chegan os líderes, e preparamos todo para o comezo, ….., xa está, xa arrancamos. E eu entre discurso e discurso propóñome actualizar o blog, e contar o mitin no Twitter do PSdeG.

Touriño remata agora mesmo remata a súa intervención e dalle paso a ZP, o pavillón posto en pé aclama ao presidente do goberno mentres soa “Que el tiempo no te cambie”; espectacular, hai que ver o cariño que lle ten a xente a Zapatero.

Remato este post dicíndovos que o día segue torcido, non mellorou demasiado; pero espero que o vaia facendo. De todas formas, debía de estar penado traballar un domingo.

A.M.M.M.M.M.M.

febrero 1, 2009 at 2:34 pm 7 comentarios

Estrea no Facebook

Facebook de Touriño 

Touriño, O Presidente, decidiu dar unha primicia da campaña a través do seu Facebook. É a primeira vez que esto acontece nunca campaña electoral no noso país. A realidade de crer ou non nas novas tecnoloxías e o saber usalas ou non; mentres algúns usan o Facebook e as redes sociais como unha competición para ver quen ten máis amigos, outros úsanas para comunicarse e trasladarlle novas da campaña á comunidade.

Touriño quixo que fosen os seus case mil cincocentos amigos e amigas os primeiros en ter acceso á canción de campaña que interpreta Xoel López. Pero atención, que parece que esa non vai a ser a única primicia.

Escoita aquí a canción.

A.M.M.M.M.M.M.

enero 30, 2009 at 6:33 pm Deja un comentario

DdC. Programa … programa … programa

Día de programa. Touriño, O Presidente, presenta o programa electoral das Autonómicas, o programa que marcará o progreso e o desenvolvemento de Galicia, dos galegos e as galegas para os próximos catro anos.

O Presidente está contento, antes do comezo do acto estivemos falando -mentres esperábamos o momento da saída- e noteino relaxado, comentamos o que nos queda daquí ao un de marzo, e Emilio ten toda a axenda na cabeza; a verdade é que é capaz de estar en todo.

É a hora de saír, subimos as escaleiras do Multiusos do Sar, e avanzamos cara o escenario; varios centos de persoas, moitos representantes de asociacións e colectivos de Galicia –a maioría- esperan ao Presidente, aplauden, e mentres soa de fondo “Quen puidera namorala”, a sintonía desta campaña; sube ao atril, saúda, aplausos, …. e empeza a debullar o programa de goberno para o avance de Galicia, o programa que posibilitará a segunda etapa do cambio.

Esta semana percorremos con Emilio varios municipios mantendo encontros sectoriais con distintos colectivos: médicos e profesionais da sanidade, persoas vinculadas co mundo do mar, mestres e persoal docente, …; sempre co obxectivo e a intención de escoitar aos distintos sectores sociais e aos profesionais que fan posible que Galicia mellore e avance, xa que eles son os que están na primeira liña. Pero aínda nos queda moito por percorrer e moitos lugares nos que estar.

En todos estes actos, ou encontros, é de destacar a afluencia de persoas, pero é digno de destacar especialmente dous deles, que me sorprenderon especialmente: o de educación en Pontevedra, no que a pesares do mal tempo e do anuncio de temporal, arredor de trescentas persoas estaban presentes no acto; e hoxe en Santiago, no que tras a noite chuviosa e aireada que sufrimos, novamente foron moitas as persoas que quixeron estar co Presidente. Polo que é de destacar e de agradecer que nos acompañe tanta xente nestes actos, a pesares de que “chova ou vente”. Así que moitas grazas a todos e todas.

Programa de Goberno.

A.M.M.M.M.M.M.

enero 24, 2009 at 6:50 pm 7 comentarios

O prometido: Quen puidera …

A.M.

enero 15, 2009 at 8:56 pm 4 comentarios

O Presidente, e punto

Eu creo que despois de ver a liña de precampaña do PSdeG e do seu candidato, pouco máis queda que dicir. A campaña pode gustar ou non, pero o que non se pode poñer en dúbida é que Galicia ten un presidente, e que este é Touriño.

Seguramente, algúns dos opinadores asalariados criticarán a campaña por imitar a de Obama, e que?, todos os partidos nestas eleccións levan falando do fenómeno Obama, uns empregando e traducindo o célebre Yes we can, outros atribuíndose o papel do futuro presidente americano, e todos envexando o éxito do ex senador de Illinois.

A campaña é un acerto, aínda que seguramente pensedes que eu non sexa o máis obxectivo para valoralo, pero a min gústame polo sinxela e directa que é, e ás veces na facilidade está o éxito.

E outro acerto é a música que nos vai a acompañar durante esta campaña e que prometo que mañán vos colgarei para que a poidades descargar: Quen puidera namorala, de Luis Emilio Batallán (música) e Álvaro Cunqueiro (letra)

A.M.

enero 15, 2009 at 12:50 am 3 comentarios

DdC. Un comezo moi…moi frío

ddc_ourense

Xa estamos metidos en faena, xa estamos en campaña. Onte comezamos en Vigo cunha sectorial sobre Economía e Territorio, e ao rematar collemos o coche con destino a Ourense, cunha paradiña de respostaxe na Cañiza, da que só poido dicir: “Que cocido!!”. Foi o mellor cocido que xamais comín, coa excepción dos que fai a miña nai, claro está.

Ourense recibiunos con moito frío, aínda que nada comparable co que facía hoxe pola mañá, cando viña andando cara o pavillón dos Remedios, pensei que me ían a caer a cachos as orellas, tiñas tan frías que creo que podía rallar os cristais con elas.

Xa no pavillón, o de sempre, o de todas as campañas, sobre todo ao principio, primeiras descoordinacións, falla de entendemento, …, pero algo normal e habitual ao inicio das campañas, que se solucionará co paso dos actos. Pero unha vez que empeza o mitin, xa vai todo de corrido.

Este é o meu primeiros post destas leccións autonómicas, das que espero manter un diario de campaña, e tervos informado do noso percorrido por Galicia, e a nosa acción diaria; sempre e cando sexa nos deixe o traballo.

Ademais de ter en mente algunha que outra idea para esta campaña, onde podamos participar na rede varios compañeiros e compañeiras.

Antes de despedirme, darlle as gracias aos compañeiros e Compañeiras de Ourense que nos axudaron no bo desenrolo deste acto: Eladio Osorio, Lalo, Conchi, Bea, Miguel Fidalgo, María Quintas, …, e a outros moitos. E especialmente a eles, a Víctor, Eva, Ánxela, …, que compartiremos moitos días de traballo e de anécdotas.

A.M.

enero 11, 2009 at 2:11 pm 3 comentarios

PSOE Fascistas

ugio_giana

O pasado martes visitaron de madrugada a Rúa do Pino uns impresentables. Uns valentes que só se atreven a actuar con nocturnidade, ás agachadas e coa cara tapada. Uns rapaces que se auto proclaman independentistas e que din que queren que Galicia sexa unha nazón. Pero esta loita á que xogan, ás veces pode resultar perigosa, porque se atreven a poñer bombas , e xa se sabe o que pode pasar con eses “xoguetes” –lémbrome agora da discoteca Clangor de Santiago-.

Estes defensores da Nazón, termo que debe ter a súa orixe na palabra Nazi, xa que intentan impoñernos algo, que eles queren e pensan, a toda costa e pola forza, a pesares de ser unha minoría moi…moi minoritaria.

Pois ben, estes individuos na súa visita á sede Nacional do PSdeG deixáronnos unhas pintadas chulísimas no acceso, ademais de atacar o rótulo da entrada. Individuos que nos chaman fascistas (“PSOE Fascistas”, escribiron), e piden a liberdade dun tal Ugio e Giana, os cales creo lembrar que están na cadea e esperando sentencia por algo tan inocente como poñer unha bomba na sucursal de Caixa Galicia en Santiago, e previamente viaxar nun coche roubado e ter documentación falsa. Bahh!!. Unha tontería!!. Se a culpa ao final é dos represores espanhois.

noviembre 6, 2008 at 9:12 pm 25 comentarios

Entradas antiguas Entradas recientes


Calendario

septiembre 2021
L M X J V S D
 12345
6789101112
13141516171819
20212223242526
27282930  

O meu Twitter

  • RT @ConcelloAmes: 💕Animando á solidariedade! A unidade móbil de doazón de sangue estará o 16 e 17 de setembro no #Milladoiro, no cruce da R… 1 day ago
  • RT @ConcelloAmes: 💠Organizamos o XII Campionato de Galicia Absoluto de 5K en ruta, en colaboración con @atletismogalego. 🎽Será o 26 setembr… 1 day ago
  • RT @ConcelloAmes: Reanudamos os programas #Amessan e #Sanauga con novidades❗️ 💚Amessan incorpora baile en liña e bailoterapia 💚Sanauga inc… 1 day ago
  • RT @carlosecue: Dice el Financial Times que la decisión de Sánchez sobre la energía mete presión a otros países de la UE que tienen también… 2 days ago
  • RT @ConcelloAmes: MERC@MES | Mañá 15 de setembro comeza a 2ª fase da campaña de tarxetas bono, até o 15 de novembro. ✨Poderedes adquirir os… 2 days ago

Estadísticas

Geo Visitors Map

De onde veñen?

Creative Commons License
Esta obra está bajo una licencia de Creative Commons.