Posts tagged ‘Rajoy’

Pizarro, a gran fichaxe

Manuel Pizarro

Parece que Mariano xa está perfilando as candidaturas e o seu próximo goberno. O novo e flamante fichaxe de Rajoy para formar parte das listas é Manuel Pizarro, que ademais –segundo informa a Cadena Ser– vai a ser tamén o que xestione o Ministerio de Economía, no caso de que o líder popular sexa o próximo presidente do goberno.Pizarro é bo amigo de Aznar, e destacou, sobre todo durante esta lexislatura, por converterse no brazo armado do PP e loitar con uñas e dentes contra a OPA que Gas Natural lle lanzou á eléctrica Endesa –compañía que presidía desde o ano 2002 por obra e gracia do goberno de José Mari-. Pizarro, desde logo, estes servizos ao PP de Rajoy e Aznar non eran gratuítos, e moito menos un favor persoal, xa que o candidato a Ministro de Economía de Rajoy cobrou no ano 2006 un “ridículo” soldo de 3,2 millóns de euros (máis de 532 millóns de pesetas), un 38 por cento máis do que percibira no ano anterior. En definitiva: ¡¡unha miseria!!.

Pero, vendo os galácticos que o candidato Rajoy está a fichar, eu estou impaciente por coñecer a totalidade das súas listas, porque non me estrañaría que dentro das súas incorporacións aparezan nomes coma o do cardenal Rouco Varela, que ben podería dirixir o novo Ministerio da Familia que xa prometeu Mariano, ou é que quizais non o merece tanto coma Pizarro. Jiménez Losantos -ese comunista reciclado- podería ser un excelente portavoz do goberno, Alcaraz, o presidente da AVT, sería un magnífico ministro do Interior, … ; eu a verdade vou a seguir ansioso o desenlace das listas populares.

enero 15, 2008 at 2:03 am 2 comentarios

Aznar, ese gran humorista

Cartel do novo programa de Aznar en Canale 5

Segundo novas de última hora, e tras o éxito acadado por José María Aznar coas súas conferencias en italiano nas cidades de Milán e Roma, parece ser que o ex presidente do goberno vai a iniciar unha xira polo país transalpino realizando varios monólogos. A gracia e a desenvoltura amosada por Aznar coa lingua de Umberto Eco ou Darío Fo fixo posible, ademais, que lle empezasen a chover ofertas para actúar en diversos programas de máxima audiencia da televisión italiana, e ata existe o rumor de que pode ser o responsable de presentar as campanadas de fin de ano no Canale 5, a televisión do seu amigo Berlusconi, acompañado de Raffaela Carrá.

Aznar, a preguntas de varios xornalistas sobre esta posibilidade, respostou:

“É una posibilitá che non descartini, io non posso diccir o que faré manniana, pero sempri mi giustó el mondo di la televisione y el contatto con las persones”.

Esta nova causou certa confusión no Partido Popular, e varios dos seus líderes opinaron sobre esta posibilidade. Eduardo Zaplana, o portavoz no Congreso, foi o primeiro en opinar: “Eso es un rumor, por ahorá noy hay confirmación, pero tengan claro que de ser así, el culpable no es otro que Zapatero, que consiguió con la crispación generada durante su gobierno que el expresidente tenga que marcharse de España.”

Acebes pola súa banda a preguntas dos xornalistas durante unha rolda de prensa manifestou: “La alianza deeee ETA-Batasuna y eeel presidente del gobierno hacen que vivir en Eeeespaña sea muy difícil y cada vez más peligroso, por eeeeso José María Aznar está abriendo nuevos horizooontes en su vida personal, peeero no duden de cuando Marianooo Rajoy sea presidenteee del gobierno esto cambiará”.

Mariano Rajoy, pola súa parte, dixo: “Eehhh!!, hummmm!, cómo?. Pueshhh no lo se, aún no he hablado con Joshe … con Aznar, pero leshh puedo decir que yo tengo un primo ehhh, en Roma, y me dijo que allí se vive muy bien, y que hay mucha pasta, aunque el fútbol esh más bonito en Eshpaña.”

Este xiro na carreira profesional de José María Aznar é unha sorpresa para todos, xa que nin os máis achegados ao ex presidente podían imaxinarse que chegara algún día a dedicarse ao humor, de tódolos xeitos a nova foi ben acollida entre varios representantes da cultura humorística do noso país, e algún deles xa se ofreceu para formar parella con Aznar, entre eles o propio Chiquito de la Calzada, o cal demostrou ao longo da súa carreira profesional ser unha persoa que domina os idiomas, e xa dixo: “¡¡no puedooor, no puedooorr!!, este fistro de Asnar tiene más grasia parlando italiano que Fraga bailando la yenka”; así mesmo o famoso compositor galego Cañita Brava ofreceuse para escribir un tema para José María Aznar, aínda que manifestou que el prefire compoñer en chino ou xaponés, pero que facerá un esforzo para crear un “hit” en italiano.

diciembre 12, 2007 at 8:29 pm 4 comentarios

Debates, agora si

Zapatero e Rajoy ás postas da Moncloa

¡¡Que sorpresa!!. O PP pide dous debates cara a cara entre Rajoy e Zapatero. ¡¡Como cambian as cousas!!. Fai catro anos Zapatero pediu debater con Rajoy, e este negouse, as razóns non están claras, quizais fose por medo, ou porque como daquela gobernaba o PP estes preferiron non darlle oportunidades á oposición.

Catro anos despois as cousas cambian, pero substancialmente, xa que foi o propio presidente do goberno o que retou a Rajoy a debater na televisión, e agora son os populares os que piden xa que os debates sexan dous. ¿Que foi o que cambiou?.

Actualización: Rajoy xa pide tres debates, e ademais pon a condición de que teñen que ser nas televisións privadas. De Televisión Española nada de nada. Pero ademais ten o “morrazo” de dicir o seguinte: “Yo creo que unos debates en televisión bien organizados pueden ser muy útiles para que la gente pueda conocer las propuestas y el diagnóstico de las situaciones de cada uno de los candidatos”.

Rostro e desfachatez non lle falta a Mariano e aos colegas do PP, que son capaces de xirar e modificar os seus argumentos en función dos seus intereses. Rajoy neso é como Groucho Marx: “Estos son mis principios. Si no le gustan tengo otros”.

diciembre 11, 2007 at 5:31 pm 2 comentarios

Monseñor o fariseo

Blázquez e Rouco

A Igrexa Católica española xa iniciou a campaña electoral, e o único ao que podo achacar as palabras de Ricardo Blázquez nas que presuntamente pedía perdón pola participación da igrexa na Guerra Civil.

“Deseamos pedir el perdón de Dios para todos los que se vieron implicados en acciones que el Evangelio reprueba, estuvieran en un lado u otro lado de los frentes trazados por la guerra”. Estas palabras de Blázquez -entre outras- representan para a maioría dos medios de comunicación unha gran nova porque a Igrexa pide perdón. E, como vos dicía, considero que Blázquez é un fariseo, un actor que está interpretando un papel nun momento determinado porque tanto a el como á Igrexa que representa lle interesa, pero a realidade é que ata o de agora nin Rouco, nin Cañizares, nin o Papa lle pediron perdón ata o de agora ás víctimas da “santa cruzada” franquista aos cales sempre mantiveron no seu esquecemento; nembargantes aos do outro lado, aos seus, si os lembran e premian coa beatificación –498 recentemente-. Como di o refrán: unha cousa é predicar –monseñor- e outra dar trigo, e Blázquez trigo ata o de agora non foi capaz de darlle ningún aos do outro bando, a aqueles que fusilaron nos cemiterios e mataron ás portas das igrexas.

A Conferencia Epìscopal, co seu presidente á cabeza, está xa inmersa nunha campaña electoral da que é parte importante e interesada desde fai xa moito tempo, e ao igual que o PP os bispos españois tamén fan a súa Conferencia Política, as cales coinciden case nos días; e mentres Rajoy fai anuncios de fume –coa baixada de impostos-, Blázquez, que non vai ser menos, xoga tamén o seu papel de telepredicador.

¡¡Deus nos colla confesados!!

noviembre 20, 2007 at 8:10 pm 1 comentario

Sardá é un “crack”


O pasado sábado estivo invitado no programa La Noria de Telecinco Xavier Sardá, e volver a ver a este “showman” televisivo foi un pracer, foi lembrar aqueles momentos entrañables nos que trasnochaba diante da tele vendo Crónicas Marcianas.

Sardá foi e é –para min- o mellor expoñente do “late night” en España, moitos foron os que intentaron competir con el por restarlle audiencia, e moitos tamén os que intentaron superalo ou igualo unha vez que decidiu abandonar as noites –despois de oito anos-; pero ningún deles o conseguiu, porque Sardá combinaba no seu programa, ademais do seu inxenio, espontaneidade e humor; cun xenial equipo de colaboradores (Boris Izaguirre, Manel Fuentes, Paz Padilla, Carlos Latre, Deltell, o señor Galindo, Mariano Mariano, etc.); e, cun guión apto só para a medianoite.

Pois, como vos dicia, o sábado estivo de convidado nunha entrevista que lle fixo Jordi González, e na que sinxelamente estivo xenial. Analizou e comentou o incidente entre o Rey Juan Carlos I e Hugo Chávez, fixo valoracións de Rajoy ou Zapatero, amosou a súa simpatía por Acebes, pediu un trato humanitario para Jiménez Losantos, etc. En definitiva, unha entrevista do máis entretida e do máis divertida, por eso, para min Sardá segue a ser o número un.

Aquí vos deixo a entrevista a Sardá dividida en seis vídeos, grazas ao traballo de Azuuki.

Vídeo 1
Vídeo 2
Vídeo 3
Vídeo 4
Vídeo 5
Vídeo 6





noviembre 12, 2007 at 7:02 pm 1 comentario

¡¡Por que no te callas!!


¡¡Zapatero defendendo a Aznar!!. Alguén podía pensar que iso ía a acontecer?. ¡¡Eu creo que non!!. Ao igual que ninguén podía imaxinarse a “saída” do “Rey” mandando calar a Chávez.

Como dicía Zapatero mentres defendía a Aznar: “el ex presidente fue elegido por los españoles, y exijo respeto, …”; e precisamente eso é certo, Aznar foi votado en dúas ocasións, e polo tanto democraticamente. Pero os membros do PP non son capaces de respectar a Zapatero como presidente, a pesares de que tamén foi elixido polos mesmos votantes que con anterioridade apoiaron a Aznar.

O “Rey” mandou calar a Hugo Chávez, e tiña razón, pero quen manda calar a Zaplana, Acebes, Rajoy ou ao propio Aznar cando dun xeito tremendamente irrespectuoso insultan, ofenden e inxurian ao xefe do goberno español.

José María Aznar, despois da defensa, chamou a Zapatero –e ao “Rey”- para darlle as grazas polo seu apoio, pero o Partido Popular, dentro do respecto que o caracteriza, dixo que o Goberno español mantivo unha “actitud pusilánime”.

Non sería oportuno que alguén agora lle dixese aos populares: “¡¡Por que no te callas!!”.

Relacionadas:

Escolar
La Huella Digital

noviembre 11, 2007 at 1:48 am 2 comentarios

A campaña “Me dijo mi primo …”


Rajoy ten que estar contento, porque leva uns días que só se fala del. Bueno!!, del e da súa familia.

Xornalistas, políticos, científicos, un premio Nóbel, ecoloxistas, …, moitos son os que saíron a felicitalo pola súa concepción do medio ambiente e do cambio climático; e por unha vez don Mariano, ese que aspira a ser presidente dos españois, conseguiu poñelos a todos de acordo: Meteu a pata ata o fondo, e demostrou unha ignorancia supina sobre o medio ambiente.

Na área de Comunicación do PSdeG-PSOE empregando o inxenio elaboraronse unhas cuñas de radio nas que ironizaban co xa famoso primo de Rajoy e o problema do cambio climático. Estas cuñas que foron emitidas en Galicia o mércores, pola tarde, e o xoves, e tiveron unha repercusión mediática importante e inesperada. Co audio destas cuñas da campaña “Me dijo mi primo …” decidiuse elaborar uns vídeos para colgar na web do PSdeG en youtube e na web psdeg-psoe.tv.

Pero o bo desta campaña e do seu éxito é que foi ideada, creada e gravadas as cuñas de radio en dúas horas, e os vídeos tamén foron elaborados noutro par de horas, e todo cos medios propios e persoais do PSdeG. Carnota –especialmente-, Patricia –cos vídeos-, Eva e Diego foron os artífices de que en media xornada de traballo a campaña “Me dijo mi primo …” tivese unha repercusión en internet e en varios medios de relevancia.

Agora mesmo a páxina de youtube ten máis dez mil visitas, pero ademais o vídeo está en Público, El País, La Voz de Galicia, 20 minutos, Xornal, El Mundo, ADN, Terra, …; e saíu nos informativos de Telecinco e TVE. E das cuñas de radio falaron en sitios como a Cadena SER (Hora 14 e Hora 25), Punto Radio ou Radio Intereconomía; e sen esquecerme dalgúns blogs e espazos de internet como La Huella Digital, Meneame, Escolar noticias, Chuza, Loli Rodríguez, …

Que queredes que vos diga??. Creo que foi un éxito e estamos bastantes satisfeitos do traballo realizado, sobre todo se temos en conta –como vos dicía- que foi todo cos medios técnicos e humanos do PSdeG, polo que creo que queda demostrada a profesionalidade.

Máis vídeos:

octubre 26, 2007 at 2:36 pm 6 comentarios

Un xesto dedicado a Rajoy

dedo.jpg

Rajoy hoxe a través dun vídeo diríxese aos españois e dinos:

“…Y por eso pido a todos, que por encima de cualquier diferencia ideológica el 12 de octubre lo manifiesten con franqueza, y que hagan algún gesto que muestre lo que guardan en su corazón …”

Con todo o cariño, aprecio e respecto este é o xesto que eu lle dedico ao opositor a Presidente.

octubre 10, 2007 at 11:35 pm 15 comentarios

Entradas recientes


Calendario

septiembre 2021
L M X J V S D
 12345
6789101112
13141516171819
20212223242526
27282930  

O meu Twitter

  • RT @ConcelloAmes: 💕Animando á solidariedade! A unidade móbil de doazón de sangue estará o 16 e 17 de setembro no #Milladoiro, no cruce da R… 1 day ago
  • RT @ConcelloAmes: 💠Organizamos o XII Campionato de Galicia Absoluto de 5K en ruta, en colaboración con @atletismogalego. 🎽Será o 26 setembr… 1 day ago
  • RT @ConcelloAmes: Reanudamos os programas #Amessan e #Sanauga con novidades❗️ 💚Amessan incorpora baile en liña e bailoterapia 💚Sanauga inc… 1 day ago
  • RT @carlosecue: Dice el Financial Times que la decisión de Sánchez sobre la energía mete presión a otros países de la UE que tienen también… 2 days ago
  • RT @ConcelloAmes: MERC@MES | Mañá 15 de setembro comeza a 2ª fase da campaña de tarxetas bono, até o 15 de novembro. ✨Poderedes adquirir os… 2 days ago

Estadísticas

Geo Visitors Map

De onde veñen?

Creative Commons License
Esta obra está bajo una licencia de Creative Commons.