Posts tagged ‘Zapatero’

Eu tamén estou con ^^


Eu, como xa vos podíades maxinar, tamén estou con Zapatero^^.

E ti?

febrero 9, 2008 at 6:23 pm 1 comentario

Tamén con Sonsoles!!!

Sonsoles Espinosa

Sonsoles Espinosa é a dona de Zapatero, pero eu estou seguro de que son moitos os españois que descoñecen como cal é o nome e a que se dedica a “presidenta consorte”. Pero está claro que para o PP vale todo, lévano demostrado ao longo desta lexislatura, e agora tocoulle o turno a Sonsoles, a cal intentou pasar o máis desapercibida posible durante a súa estadía na Moncloa.Hoxe a fichaxe estrela do PP, o galáctico de Rajoy, decidiu nun ataque de inspiración durante unha entrevista na Cadena SER manifestar que:

“Compraría la voz de su señora, que canta en un coro. A ver si nos regala sus canciones, ya que no pudo estar en el aniversario del Rey por estar en el coro. Resulta que no puede faltar una voz de entre las 40 del coro, es tan importante su voz que se la compraría.”

Pois parece que ao tiburón das finanzas non lle parece ben que a dona do Presidente do Goberno cante nun coro, xa que ao mellor pensa como o seu amigo José María Aznar que a muller ten que ser “muller, muller”, e polo tanto debe de estar na casa coidando aos fillos e facendo as tarefas da casa.

¿Que vai ser o seguinte que pode usar o PP durante esta campaña?. Atacar ás fillas de Zapatero, ou a seu irmán ou a seu pai, porque ao avó –o Capitán Lozano– ademais de fusilalo no ano 36 seguírono insultando e faltándolle ao respecto durante esta lexislatura.

febrero 5, 2008 at 2:10 am 6 comentarios

DdC. Volver a empezar: unha nova campaña.

Zapatero en Ourense

Levo varios días “desaparecido” da rede, pero nesta ocasión foi por causas alleas á miña vontade, xa que a culpa foi dunha infección respiratoria que me tivo desconectado durante uns días e recluído na casa. Pero xa estou novamente por aquí disposto a seguir dando guerra e a contarvos algunha que outra “batalliña”.A verdade é que o regreso ao traballo foi de todo menos suave, xa que temos a maquinaria electoral en marcha e quentando motores para afrontar a campaña das eleccións xerais con garantías. Para empezar dous “mitins”: onte en Pontevedra e hoxe en Ourense –con Zapatero-; pero, ademais, mañá imos a Ferrol e o domingo un paseo por Padrón.

Eu intentarei, ao igual que na última campaña, ir contándovos as anécdotas e outros historias que nos acontezan durante estes meses. Confesareivos que o inicio non tivo desperdicio e empezamos onte coas anécdotas xa que Fernando Martínez e eu tivemos que ir dando un pequeno paseo a pé pola autoestrada –camiño de Pontevedra- porque Víctor e Castiñeiras esquecéronse de collernos na área de servizo na que eu deixei o meu coche, e déronse conta cando pasaran de largo; pero nada, unha carreiriña pola vía de acceso e “aquí no pasa nada”, entre nós e sen que se entere ninguén: menos mal que non pasou nese momento a Garda Civil de Tráfico.

Hoxe estivemos no Pavillón dos Remedios de Ourense no primeiro mitin de Zapatero en Galicia, e foi un éxito. Máis de cinco mil persoas abarrotaban o pavillón e foron moitas as que quedaron ás portas, xa que dentro non collía nin un “alfiler”. Zapatero estivo grandioso e tivo, como non, palabras de cariño para os bispos dos que dixo que caeran na tentación de usar o terrorismo na campaña electoral. Falou tamén do medo e das escusas do PP cos debates electorais.

Antes de empezar o mitin, a anécdota foi a intervención do Follonero -o que aparece no programa de Buenafuente– que subiu ao atril e pediu o apoio para o PSOE e para Zapatero. Despois estiven falando con el nun dos pasillos, mentres esperábamos que chegara o presidente, e comenteille que me sorprendera que se mollase desa forma, pero que é algo que se agradece. ¡¡Eu que sempre pensei que a Sexta era do PP!!. Por certo, o Follonero vai a ter un programa na Sexta que se vai chamar “Salvados por la campaña”.

Pois por hoxe nada máis, voume deitar que mañá tocamos en Ferrol e hai que madrugar.

febrero 2, 2008 at 2:18 am 3 comentarios

A rendición de Zapatero

El año 2007 finaliza con la cifra de presos de la organización terrorista ETA más alta de la última década, un total de 728 encarcelados en España, Francia, Reino Unido y Canadá, …

… En cárceles españolas se encuentran encarceladas en estos momentos 560 personas, a la espera de juicio o ya condenadas por su vinculación con la banda…

… Durante 2007 se ha detenido a 125 personas por su presunta vinculación con la organización terrorista ETA, a las que hay que sumar otras 76 por delitos de “kale borroka”. En España han sido arrestadas 79 personas, mientras que en Francia lo han sido otras 40.

Hai datos que debemos de ter en conta á hora de facer valoracións e para poder xulgar certas declaracións e manifestacións de individuos acostumados a falsear a realidade (mentir), porque ¿quen eran os que dicían que o goberno de Zapatero se arrodillara ante ETA?

Visto no Diario de Salamanca vía Escolar

enero 3, 2008 at 8:45 pm 2 comentarios

Debates, agora si

Zapatero e Rajoy ás postas da Moncloa

¡¡Que sorpresa!!. O PP pide dous debates cara a cara entre Rajoy e Zapatero. ¡¡Como cambian as cousas!!. Fai catro anos Zapatero pediu debater con Rajoy, e este negouse, as razóns non están claras, quizais fose por medo, ou porque como daquela gobernaba o PP estes preferiron non darlle oportunidades á oposición.

Catro anos despois as cousas cambian, pero substancialmente, xa que foi o propio presidente do goberno o que retou a Rajoy a debater na televisión, e agora son os populares os que piden xa que os debates sexan dous. ¿Que foi o que cambiou?.

Actualización: Rajoy xa pide tres debates, e ademais pon a condición de que teñen que ser nas televisións privadas. De Televisión Española nada de nada. Pero ademais ten o “morrazo” de dicir o seguinte: “Yo creo que unos debates en televisión bien organizados pueden ser muy útiles para que la gente pueda conocer las propuestas y el diagnóstico de las situaciones de cada uno de los candidatos”.

Rostro e desfachatez non lle falta a Mariano e aos colegas do PP, que son capaces de xirar e modificar os seus argumentos en función dos seus intereses. Rajoy neso é como Groucho Marx: “Estos son mis principios. Si no le gustan tengo otros”.

diciembre 11, 2007 at 5:31 pm 2 comentarios

La mirada positiva

Zapatero-Lamirada positiva

Hoxe foi a presentación oficial de Zapatero como candidato á Presidencia do Goberno. Esta campaña preséntase interesante, e o PSOE ao igual que nos últimos tempos aposta por dar unha imaxe fresca e moderna, e facer unha campaña en positivo, e para eso nada mellor que o seu slogan “La mirada positiva”. Ademais, polo que sabemos ata o de agora unha canción de Tequila acompañará e será a sintonía da campaña: Que el tiempo no te cambie.

Tempo teremos para falar desta campaña.

noviembre 26, 2007 at 1:42 am Deja un comentario

Sardá é un “crack”


O pasado sábado estivo invitado no programa La Noria de Telecinco Xavier Sardá, e volver a ver a este “showman” televisivo foi un pracer, foi lembrar aqueles momentos entrañables nos que trasnochaba diante da tele vendo Crónicas Marcianas.

Sardá foi e é –para min- o mellor expoñente do “late night” en España, moitos foron os que intentaron competir con el por restarlle audiencia, e moitos tamén os que intentaron superalo ou igualo unha vez que decidiu abandonar as noites –despois de oito anos-; pero ningún deles o conseguiu, porque Sardá combinaba no seu programa, ademais do seu inxenio, espontaneidade e humor; cun xenial equipo de colaboradores (Boris Izaguirre, Manel Fuentes, Paz Padilla, Carlos Latre, Deltell, o señor Galindo, Mariano Mariano, etc.); e, cun guión apto só para a medianoite.

Pois, como vos dicia, o sábado estivo de convidado nunha entrevista que lle fixo Jordi González, e na que sinxelamente estivo xenial. Analizou e comentou o incidente entre o Rey Juan Carlos I e Hugo Chávez, fixo valoracións de Rajoy ou Zapatero, amosou a súa simpatía por Acebes, pediu un trato humanitario para Jiménez Losantos, etc. En definitiva, unha entrevista do máis entretida e do máis divertida, por eso, para min Sardá segue a ser o número un.

Aquí vos deixo a entrevista a Sardá dividida en seis vídeos, grazas ao traballo de Azuuki.

Vídeo 1
Vídeo 2
Vídeo 3
Vídeo 4
Vídeo 5
Vídeo 6





noviembre 12, 2007 at 7:02 pm 1 comentario

No nos falles


Na noite electoral do 14 de marzo do 2004 un mozo díxolle a Zapatero: “No nos falles”. E transcorridos case catro anos tocar facer balance; as Juventudes Socialistas lanza un novo vídeo no que varios mozos e mozas falan dalgunhas das promesas de ZP que cumpriu durante esta lexislatura.

Por certo, a canción do vídeo é do grupo Tequila e foi versionada por Los Secretos e titúlase: “Que el tiempo no te cambie”.

noviembre 11, 2007 at 2:21 am Deja un comentario

¡¡Por que no te callas!!


¡¡Zapatero defendendo a Aznar!!. Alguén podía pensar que iso ía a acontecer?. ¡¡Eu creo que non!!. Ao igual que ninguén podía imaxinarse a “saída” do “Rey” mandando calar a Chávez.

Como dicía Zapatero mentres defendía a Aznar: “el ex presidente fue elegido por los españoles, y exijo respeto, …”; e precisamente eso é certo, Aznar foi votado en dúas ocasións, e polo tanto democraticamente. Pero os membros do PP non son capaces de respectar a Zapatero como presidente, a pesares de que tamén foi elixido polos mesmos votantes que con anterioridade apoiaron a Aznar.

O “Rey” mandou calar a Hugo Chávez, e tiña razón, pero quen manda calar a Zaplana, Acebes, Rajoy ou ao propio Aznar cando dun xeito tremendamente irrespectuoso insultan, ofenden e inxurian ao xefe do goberno español.

José María Aznar, despois da defensa, chamou a Zapatero –e ao “Rey”- para darlle as grazas polo seu apoio, pero o Partido Popular, dentro do respecto que o caracteriza, dixo que o Goberno español mantivo unha “actitud pusilánime”.

Non sería oportuno que alguén agora lle dixese aos populares: “¡¡Por que no te callas!!”.

Relacionadas:

Escolar
La Huella Digital

noviembre 11, 2007 at 1:48 am 2 comentarios

Con Z de Zapatero


Este é o slogan da campaña que o PSOE vai a poñer en marcha co obxectivo de explicar a acción do goberno durante esta lexislatura.

Non cabe dúbida de que esta campaña, como as últimas que fixo o PSOE, non vai a pasar desapercibida, sobre todo pola súa orixinalidade. Esta campaña ven, ademais, acompañada dun vídeo no que aparece Zapatero nunha actitude tranquila, e dun xeito moi amable, cercano e distendido; onde ademais se ri das bromas e as imitacións que fan os “guiñoles” sobre a costume que ten de pronunciar certas palabras co z.

Este vídeo e o resto da campaña vai a dar moito xogo, e algúns comezarán a facer as típicas coñas, tal e como pasou co ZP, pero iso é normal, pero ao mellor tamén é o que os publicistas que crearon esta campaña, e o propio PSOE é o que pretende, xa que a mellor publicidade é a que non pasa desapercibida é da que falar.

Pero, esta campaña non só ten como soporte o vídeo, senón que tamén conta cun balance dos logros conseguidos polo goberno de Zapatero durante esta lexislatura, a cal pon de manifesto, que durante o período 2004-2007 en España non só houbo o catastrofismo, a crispación e o odio que intentou xerar o PP de Rajoy; houbo un goberno que traballou para que os españois avanzásemos e vivísemos mellor.

Por certo, imaxínome que Rajoy poñerá o grito no ceo porque no vídeo non aparece a bandeira de España. ¡¡Joder, vaia fallo!!.

octubre 18, 2007 at 5:38 pm 3 comentarios

Entradas recientes


Calendario

septiembre 2021
L M X J V S D
 12345
6789101112
13141516171819
20212223242526
27282930  

O meu Twitter

  • RT @ConcelloAmes: 💕Animando á solidariedade! A unidade móbil de doazón de sangue estará o 16 e 17 de setembro no #Milladoiro, no cruce da R… 1 day ago
  • RT @ConcelloAmes: 💠Organizamos o XII Campionato de Galicia Absoluto de 5K en ruta, en colaboración con @atletismogalego. 🎽Será o 26 setembr… 1 day ago
  • RT @ConcelloAmes: Reanudamos os programas #Amessan e #Sanauga con novidades❗️ 💚Amessan incorpora baile en liña e bailoterapia 💚Sanauga inc… 1 day ago
  • RT @carlosecue: Dice el Financial Times que la decisión de Sánchez sobre la energía mete presión a otros países de la UE que tienen también… 2 days ago
  • RT @ConcelloAmes: MERC@MES | Mañá 15 de setembro comeza a 2ª fase da campaña de tarxetas bono, até o 15 de novembro. ✨Poderedes adquirir os… 2 days ago

Estadísticas

Geo Visitors Map

De onde veñen?

Creative Commons License
Esta obra está bajo una licencia de Creative Commons.