Archive for marzo, 2009

Palabras para ti

E xa van once. Como pasa o tempo!!. Outro 30 de marzo no que lembrar aquela mañá en Santiago, o despacio que pasaban os minutos, o sufrimento e a espera. Pero non cabe dúbida de que valíu a pena. Só hai que vela, mirala, e ver cando se ríe.

Din que é coma min, e pode ser, parécese moito. O seu carácter, os seus xestos, os seus silencios, …, si parécese moito a min.

A canción é para ti, que sei que che emociona, e que che trae recordos. A min tamén, …, e moitos.

Sabes que sempre estarei ao teu lado, e que … que che quero.

A.M.

marzo 30, 2009 at 11:45 am Deja un comentario

Posí

AM

marzo 26, 2009 at 6:48 pm Deja un comentario

Hai vida en Marte -según Franco-

Franco, ademais de ser un fantástico dictador e asesino, acadou tamén un éxito que ninguén ata o de agora lle recoñeceu, nin siquiera un dos seus seguidores máis fieis, Carlos Fabra.

Pois resulta que baixo a dictadura de Franco, un grupo de científicos no Observatorio de Madrid, alá polo ano 1956, descubríu vida en Marte: “Hay vida vegetal y aún posiblemente vida animal rudimentaria”.

A verdade é que a credibilidade, tanto do NODO como do propio goberno de Franco, queda demostrado co paso do tempo que foi todo un tremendo fraude e que serví usó para o aillamento de España e o atraso máis grande, excepto para algúns que añoran e defenden aínda aqueles “gloriosos” anos, e non forn capaces de censurar a época máis obscura da nosa historia.

Este vídeo é unha xoia, e non ten desperdicio.

A.M.

marzo 25, 2009 at 3:04 pm 1 comentario

Unha de carteis

Camiño de Trazo, concello que está “a un tiro de pedra de Santiago”, como di Castiñeiras, descubrimos unha nova ruta; á que bautizamos como Ruta dos carteis.

Calquera sitio é bo para colgar un cartel denuncia; e, ata tres carteis atopamos Castiñeiras, Eva e eu con protestas ou denuncias de diferentes tipos na estrada que une Santiago con Trazo, pola parte traseira do Polígono do Tambre.

Un cartel destaca por riba dos outros, o que poderiamos denominar como cartel “fostestí”. Cóntanos Casti, que o lugar no que está colocado, alguén roubou madeira que había cortada; e como se deduce do texto, con moita educación por certo, xa saben quen foi. Esto sóname a aquela anécdota que contaba Gila, cando detuvo a Jack el destripador, que o detivo por indirectas. E os donos da Madeira roubada pretenden facer o mesmo.

Os outros dous carteis son xa máis de protesta, nun reclaman unhas beirarrúas, e teño que decir que fan falla, e moita. E o outro, é o habitual con faltas de ortografía no que se queixan do mal estado da estrada a Berdía.

Máis fotos no Flickr

QMMA

marzo 24, 2009 at 7:58 pm 2 comentarios

PSdeGTV

No PSdeG seguimos traballando, como non podía ser doutra forma. E despois das autonómicas decidimos potenciar o canal do PSdeG en YouTube, o cal xa melloráramos en campaña.

Agora pretendemos darlle máis vida e uso a este canal, colgando de xeito habitual entrevistas de xente do Partido, novas, preguntas e outras cousiñas. E como sempre aceptamos suxestións, as cales por outra banda espero.

Nas últimas semanas realizamos dúas entrevistas, a Ricardo Varela e a Mar Barcón na súa calidade de membros da xestora do PSdeG.

Aquí vos deixo a máis recente, que é a entrevista a Mar.

Por certo, grazas a Anxo pola súa aposta e traballo no PSdeGTV. Unha aperta Anxo.

A.M.M.A.

marzo 21, 2009 at 12:15 am 2 comentarios

As bases

Militantes Socialistas

Estas últimas semanas no entorno do Partido, os medios de comunicación e os compañeiros e compañeiras non deixan de mencionar unha palabra: BASES. Todo o mundo as cita, ou as quere escoitar, ou incluso algúns se atreven a erixirse no seu portavoz. Bases, bases, bases, … e máis bases!!.

E é neste momento cando parece que todos –ou case- nos damos conta da importancia que teñen as denominadas bases. Pero, que e quenes son realmente as bases?. Que é ese ente etéreo que todos mencionamos?. Existen as bases, e para que serven?.

Segundo o diccionario da Real Academia Galega un dos significados da palabra base é o de elemento que sirve de apoio a un corpo, pero hai outros moitos que poñen de manifesto que unha base ou as bases, neste caso, son fundamentais para apoiar, cimentar, ou aguantar algo –ou a alguén-, e polo tanto canto mellor e máis forte e resistente sexa mellor

Polo tanto, é obvio que a todos nos interesa contar cunhas boas bases, pero ademais termos que coidalas e respectalas, porque se as maltratamos ou deixamos que se deterioren poden ocasionar que toda a edificación se desmorone.

As bases do PSdeG posuen unha forza enorme, unha forza tal, que levan aguantando deste Partido durante anos, e son os que máis soportaron e sufriron nos momentos máis difíciles e duros polos que atravesamos. Por iso é bo que as atendamos, as mimemos e as escoltemos, …, pero máis importante é que as entendamos e que interpretemos con claridade o que nos din, porque corremos o risco de que nos poidan levar a todos e a todas por diante.

As bases, afortunadamente habelas hainas.

A.M.

marzo 18, 2009 at 8:21 pm 10 comentarios

Só por picar ….

audissssss

Esto é só por incordiar, e picar un pouco.

Grazas Loli pola viñeta.

A.M.M.M.M.M.M.M.

marzo 14, 2009 at 2:36 pm 3 comentarios

25 deputados/as. Por pouco!!

María Quintas

María Quintas

Confírmase que o PSdeG consigue o/a deputado/a número 25. Grazas aos galegos e galegas do exterior repetimos os resultados de fai catro anos, e María Quintas, a candidata número cinco por Ourense, é deputada no Parlamento de Galicia.

A sensación nestes intres é a de … “por pouco!!!”. Quedámonos ás portas de consolidar o goberno do cambio, pero non poido ser, os galegos e galegas decidiron que goberne o PP de Galicia.

De todos os xeitos, grazas, e a miña noraboa para María Quintas.

AM

marzo 9, 2009 at 10:06 pm 15 comentarios

La Feijooneta

feijoneta

A través dun mail chégame a foto do novo coche oficial de Feijóo. A verdade é que este debuxo plasama exactamente o que intento decir fai varios días no blog.

A verdade é que Feijóo, con esto de prometer e de mentir durante a campaña, non se deu conta de que na Citroen de Vigo só se fabrican furgonetas e monovolúmenes, así que agora toca blindar unha Berlingo, jejejeje. De todos os xeitos tampouco se lembrou de contarnos aos galegos e as galegas que Citroen lle regalou un C6; que sorte teñen algúns!!. E os galegos e as galegas poñendo cartos do peto para que Feijóo se pasease nun Citroen que lle regalamos entre todos. E meu pai nun Seat Toledo de fai 20 anos. Somos todos iguais, ou non?

SQCQM

marzo 6, 2009 at 2:42 pm 10 comentarios

DdC. Punto e final -inesperado-

Sigo estando por aquí. Sigo vivo, aínda que triste, non o vou a negar. A noite de onte non foi doada para ningún dos que estábamos no Puerta del Camino, e moito menos doado foi a noite e o día de hoxe. Algúns alégranse de que os socialistas non gobernemos outra legislatura, e eu entendo e respecto esa alegría. Eu tamén o estaría se fose á inversa. Pero o que non me gusta e a burla, o vacile e a falla de respecto cara o opoñente, cara o rival político.

Esta campaña traballamos moito, percorremos moitos quilómetros, e ao final a sensación que queda é a da decepción, a de roubarlle horas ao sono, á familia, a de pasar días sen comer, a de estar estresado, …, para nada. Queda unha sensación de baleiro impresionante. Pero o peor e mirar as caras do resto dos compañeiros, a cara de Castiñeiras, do meu compañeiro nesta campaña –grazas Casti, sen ti non sería o mesmo-; de Marquiños –sempre activo e alerta-, de Anxo –que bo eres meu!!-, de Dieguiño –sempre queixándose pero sempre cumprindo-, de Fernando, de Marcial, de Gonzalo, de Ánxela, de Eva –grazas por todo, es increible-, de Víctor –un fenómeno!!-…; ver as súas caras de pena, decepcionados e tristes foi o que máis me marcou, é algo difícil de esquecer. Eu intentei facer de tripas corazón e disimular a miña pena para intentar animalos, pero …

Por eso me “jode” que algúns individuos agora se atrevan a facer comentarios para facer dano, comentarios que doen, porque hai xente que non ten culpa dos erros cometidos por outros, hai persoas que son profesionais no seu traballo e cumplen, e en moitas ocasións dan o douscentos por cen. Hai persoas, compañeiros e compañeiras que quedan nunha situación complicada.

Pero, agora ven o momento de reflexionar, de analizar o que aconteceu e porque razón os galegos e as galegas nos deron as costas, e porque preferiron que gobernase o PP. Estou seguro de que o PSdeG sobrevivirá a esta situación porque xa o fixemos noutras ocasións, e porque ninguén é imprescindible. Hoxe –ou onte- rematou unha época, púsose fin a un anaco da historia do PSdeG, un anaco de éxitos e de fracasos, de luces e sombras, e espero que aprendamos a lección para no futuro non volver a cometer os mesmos erros. O importante é o Partido, e os millerios de persoas que forman parte da nosa organización, e os mellares activos están na casa.

Grazas a todos os compañeiros e compañeiras, a todos os militantes e simpatizantes deste bendito Partido.

AMMA

marzo 2, 2009 at 8:58 pm 8 comentarios


Calendario

marzo 2009
L M X J V S D
 1
2345678
9101112131415
16171819202122
23242526272829
3031  

O meu Twitter

Estadísticas

Geo Visitors Map

De onde veñen?

Creative Commons License
Esta obra está bajo una licencia de Creative Commons.